ماڭعىستاۋ وبلىسىنىڭ ورتالىعى – اقتاۋ قالاسىندا ەستىگەن جاننىڭ جاعاسىن ۇستاتاتىن وسىنداي وسپادار وقيعا ورىن الدى. قالاداعى تۇرعىن ۇيلەردىڭ الدىنداعى اۋلادا كارتون جاشىكتە ويناپ وتىرعان بالالاردى «گاز-3302» اۆتوكولىگىنىڭ جۇرگىزۋشىسى تاپا-تال تۇستە باسىپ كەتكەن.
ماڭعىستاۋ وبلىسىنىڭ ورتالىعى – اقتاۋ قالاسىندا ەستىگەن جاننىڭ جاعاسىن ۇستاتاتىن وسىنداي وسپادار وقيعا ورىن الدى. قالاداعى تۇرعىن ۇيلەردىڭ الدىنداعى اۋلادا كارتون جاشىكتە ويناپ وتىرعان بالالاردى «گاز-3302» اۆتوكولىگىنىڭ جۇرگىزۋشىسى تاپا-تال تۇستە باسىپ كەتكەن.
بولعان وقيعانىڭ سالدارىنان 2006 جىلى تۋعان ەر بالا مەن 2009 جىلى تۋعان قىز بالا زارداپ شەكتى.
«ەر بالانى العان جاراقاتتارىمەن وبلىستىق بالالار اۋرۋحاناسىنا جاتقىزۋعا تۋرا كەلدى. قازىر ول تراۆماتولوگيا بولىمىندە جاتىر. شىنتاق بۋىنى سىنعان قىز بالاعا مەديتسينالىق كومەك كورسەتىلدى, ول قازىر ۇيىنە شىعارىلدى. اتالعان وقيعانىڭ ءمان-جايىن انىقتاۋ ماقساتىندا جۇرگىزۋشى تەرگەۋگە الىندى», دەپ حابارلادى وبلىستىق ىشكى ىستەر دەپارتامەنتىنىڭ ءباسپاسوز حاتشىسى شولپان يۋلداشەۆا.
مۇرات ايتقوجا.