جاپونيانىڭ استاناسى – توكيو قالاسىندا وتكەن «جاپون كۇزى-2013» فەستيۆالىنىڭ شەڭبەرىندە «دراماتۋرگيا ونەرىنىڭ مەكتەبىنىڭ» ساحناسىندا جاپون رەجيسسەرى وريزا حيراتانىڭ ورىس جازۋشىسى ا.چەحوۆ پەساسىنىڭ جەلىسى بويىنشا قويعان «اپالى-ءسىڭلىلى ءۇش قىز. اندرويد ۆەرسيا» اتتى سپەكتاكلى كورسەتىلدى. بۇل تۋرالى «لەنتا.رۋ» حابارلادى.
مۇنداعى جاڭالىق ونىڭ قويىلعانىندا ەمەس. ماسەلە سپەكتالدە روبوتتار ويناپ شىقتى. رەجيسسەرگە مۇندا روبوت تەحگنيگى حيروگي يسيگۋرو كومەكتەستى. بۇعان دەيىن روبوت-گەمينويدتى جاساعان مامان ونى ادام بەينەسىنە قاتتى ۇقساستىرا الادى ەكەن. جاڭا سپەكتاكلدە وسىنداي ەكى روبوت وينادى. ولار ءبىر قاراعاندا ادامنان اينىمايدى.
بىراق حيراتانىڭ ينتەرپرەتاتسياسىندا چەحوۆ قويعان ولگا, ماشا جانە يرينا ەسىمدى قىزدار جاپون ىڭعايىمەن ريساكو, ماريە جانە يكۋمي بولىپ اتالعان.
سپەكتاكل 6-9 قازان كۇندەرى قويىلدى.
مۇرات ايتقوجا.