سۋديالاردىڭ جاۋاپكەرشىلىگى كۇشەيتىلەدى

جوعارعى سوت توراعاسىنىڭ ايتۋىنشا, 2,5 جىل ىشىندە بىرقاتار قاناتقاقتى جوبالار جۇزەگە اسىرىلىپ, 22 زاڭ جوباسى ازىرلەنگەن. ونىڭ ىشىندە 10 زاڭ جوباسى قابىلداندى.

سۋديالىق كادرلار سالاسىندا دا وزگەرىس­­­تەر بولدى. اتاپ ايتقاندا, جاڭا سۋديا­­­لاردى ىرىكتەۋ ماقساتىندا ءتيىمدى HR-تەح­­نو­لوگيالار ەنگىزىلگەن, سۋديالار­دىڭ تار­تىپتىك جاۋاپكەرشىلىگى, كادرلىق رەزە­رۆ ماسەلەلەرى جوعارعى سوتتان جوعا­رى سوت كەڭەسىنىڭ قاراۋىنا بەرىلگەن, سون­­داي-اق جۇمىس ىستەپ جۇرگەن سۋديا­لار­دى باعالاۋدىڭ جاڭا ينستيتۋتى – سوت تورە­لىگىنىڭ ساپاسى جونىندەگى كوميس­سيا­نىڭ قىزمەتىنە دە وزگەرىس جاسالعان. سونى­مەن قاتار جاقىپ اسانوۆ جاڭا با­عا­لاۋ ادىس­تە­مە­سى بويىنشا 2022 جىلعا دە­يىن سۋديا­لار­دىڭ شامامەن 80%-ى اتتەستا­تسيا­دان وتەتى­نىن جەتكىزدى. ونىڭ ايتۋىنشا, 2019 جىلى اتتەستاتسياعا قاتىسقان سۋديا­لار­دىڭ 10%-ى باعالاۋدىڭ جاڭا جۇيەسىنەن وتە الماعان.

بۇدان بولەك مەملەكەت باسشىسىنا اقتاۋ ۇكىمدەرى سانىنىڭ كۇرت وسكەنى, اسىرەسە بۇل كورسەتكىش اۋىر قىلمىستار بويىنشا 12 ەسە, ال اسا اۋىر قىلمىستار بويىنشا 6 ەسە ارتقانى ايتىلدى.

جوعارعى سوت توراعاسى قازاق­ستان پرەزيدەنتىنە ازاماتتىق پروتسەسسۋالدىق كودەكسكە ەنگىزىلگەن تۇزەتۋلەر بيىلعى 22 ماۋسىمنان باستاپ كۇشىنە ەنەتىنىن جانە ونداعى وزگەرىستەر تۋرالى باياندادى.

سونىمەن قاتار اكىمشىلىك ادىلەت ماسە­لە­سى تۋرالى دا ءسوز قوزعالدى. اتالعان ينس­تي­­تۋت قازاقستاندا اكىمشىلىك راسىمدىك-پرو­­­تسەس­سۋالدىق كودەكستى قابىلداعان سوڭ ەن­گى­زى­لەدى. قازىرگى ۋاقىتتا ول سەناتتىڭ قاراۋىندا.

جوعارعى سوت توراعاسى مەملەكەت باسشى­سىنا COVID-19 پاندەمياسى كەزەڭىن­دەگى سوتتاردىڭ جۇمىسى تۋرالى دا اقپارات بەردى. سونداي-اق ول پروتسەسكە قاتى­سۋ­شىلاردىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردىڭ قابىل­داناتىنىن اتاپ ءوتىپ, توتەنشە جاعداي كەزەڭىندە جانە ودان كەيىن دە سوت تورەلىگىن جۇزەگە اسىرۋ ءىسى توقتاماعانىن ايتتى.

اڭگىمەلەسۋ قورىتىندىسى بويىنشا مەملەكەت باسشىسى سوت جۇيەسىنىڭ الدىنا بىرقاتار ناقتى مىندەتتەر قويدى جانە قازىرگى كۇردەلى كەزەڭدە سوتتاردىڭ جۇمىسى ۇزدىكسىز جالعاسا بەرەتىندىگىنە سەنىم ءبىلدىردى.