قازاقستان فۋتبولىنىڭ 100 جىلدىعىنا ارنالىپ سەمەيدە 21-22 قىركۇيەك كۇندەرى وتكەلى تۇرعان سالتانات تىكەلەي ەفيردەن كورسەتىلەدى. بۇل تۋرالى YK-news.kz ءتىلشىسى حابارلادى.
شىعىس قازاقستان وبلىستىق تۋريزم, دەنە شىنىقتىرۋ جانە سپورت باسقارماسىنىڭ باستىعى ءابىل ءدوڭباي جۋرناليستەرمەن كەزدەسۋدە بۇل جونىندە «KAZsport» تەلەارناسىمەن ارنايى كەلىسىمگە قول قويىلعانىن ايتتى.
«21 قىركۇيەك كۇنى 18 ساعات 30 مينۋتتا «سپارتاك» ستاديونىندا اشىلاتىن سالتاناتتى ءراسىم وسى ارنا ارقىلى تىكەلەي ەفيردەن كورسەتىلە باستايدى, - دەدى ءابىل بەكەت ۇلى. – ول ءبىر جارىم ساعاتقا سوزىلادى. باعدارلامادا قاراستىرىلعان باسقا وقيعالار كورسەتىلمەيدى».
دامير قوجامقۇل.