اقمولا وبلىسى زەرەندى اۋدانىنىڭ تۇرعىنى ورتۆين شلوسسەر 45 جىلدان بەرى كوبەلەكتىڭ ءار ءتۇرىن جيناپ كەلەدى. بۇل تۋرالى «24 kz» حابارلادى.
ونىڭ جەكە مۇراجايىندا سيرەك كەزدەسەتىن كوبەلەكتىڭ 3 مىڭ ءتۇرى بار ەكەن. تمد بويىنشا مۇنداي مۇراجاي ازىرگە جوقتىڭ قاسى. كوبەلەك جيناۋدى داعدىسىنا اينالدىرعان ازاماتتىڭ نەگىزگى ماماندىعى – حورەوگراف. ۇزاق جىلدار بويى «مولودوست» بيشىلەر انسامبلىنە جەتەكشىلىك جاساعان. «مەن كوبەلەكتىڭ سان ءتۇرىن جيناۋ ءۇشىن ورتا ازيا مەن ەۋروپانىڭ كوللەكتسيونەرلەرىمەن تانىستىم. ءتىپتى جاڭا گۆينەيا ارالىنان ءبىر ەرەكشە كوبەلەك الىپ كەلدىم», - دەيدى ول.
ورتۆين شلوسسەردىڭ ەڭبەگى زايا كەتپەگەن سەكىلدى. وقۋشىلار ونىڭ جەكە مۇراجايىندا بولىپ, ءار مەملەكەتتەن اكەلىنگەن كوبەلەكتىڭ سان تۇرىمەن تانىسۋدا.
دانيار تۇيمەباي.