وسى اپتانىڭ سوڭىندا وڭتۇستىك قازاقستان وبلىسىنىڭ اكىمى اسقار مىرزاحمەتوۆ باستاعان ءبىر توپ كاسىپكەرلەر ماسكەۋگە ساپار شەگىپ بارادى. بۇل ساپار كەدەن وداعىنا مۇشە ەلدەرمەن ايماقارالىق ىنتىماقتاستىقتى دامىتۋ بويىنشا ەلباسىنىڭ تاپسىرماسىن ورىنداۋ ماقساتىندا جوسپارلانعان. وڭتۇستىكقازاقستاندىق دەلەگاتسيا ماسكەۋ, قازان جانە ەكاتەرينبۋرگ قالالارىندا ەكىجاقتى بيزنەس قۇرىلىمىنىڭ قاتىسۋىمەن دوڭگەلەك ۇستەل, ەكى جاقتى كەزدەسۋلەر وتكىزىپ, وسى قالالارداعى يندۋستريالىق نىسانداردى ارالاپ, تاجىريبە الماسپاق.
وسى اپتانىڭ سوڭىندا وڭتۇستىك قازاقستان وبلىسىنىڭ اكىمى اسقار مىرزاحمەتوۆ باستاعان ءبىر توپ كاسىپكەرلەر ماسكەۋگە ساپار شەگىپ بارادى. بۇل ساپار كەدەن وداعىنا مۇشە ەلدەرمەن ايماقارالىق ىنتىماقتاستىقتى دامىتۋ بويىنشا ەلباسىنىڭ تاپسىرماسىن ورىنداۋ ماقساتىندا جوسپارلانعان. وڭتۇستىكقازاقستاندىق دەلەگاتسيا ماسكەۋ, قازان جانە ەكاتەرينبۋرگ قالالارىندا ەكىجاقتى بيزنەس قۇرىلىمىنىڭ قاتىسۋىمەن دوڭگەلەك ۇستەل, ەكى جاقتى كەزدەسۋلەر وتكىزىپ, وسى قالالارداعى يندۋستريالىق نىسانداردى ارالاپ, تاجىريبە الماسپاق.
ارينە, «كەلگەنشە قوناق ۇيالادى, كەلگەن سوڭ ءۇي يەسى ۇيالادى» دەگەن, وڭتۇستىكتىڭ كاسىپكەرلەرى ول جاقتاعى جۇرتتان ۇيات بولماسىن دەپ ءبىر كەرۋەن جەتەكتەپ بارۋدى ءجون ساناپتى. بيىل وڭتۇستىكتىڭ قامباسى توق. اتاپ ايتار بولساق, بيىل اۋىل شارۋاشىلىعى داقىلدارىنىڭ ەگىس كولەمى وتكەن جىلمەن سالىستىرعاندا 30,0 مىڭ گەكتارعا ارتىپ, 772,0 مىڭ گەكتاردى قۇرادى. ەگىستىكتى ءارتاراپتاندىرۋ ناتيجەسىندە, مال ازىقتىق داقىلداردىڭ كولەمى وتكەن جىلمەن سالىستىرعاندا 35 مىڭ, ءداندى داقىلدار 33 مىڭ ارتسا, كەرىسىنشە, ماقتا داقىلىنىڭ كولەمى وتكەن جىلمەن سالىستىرعاندا 6 مىڭ, ماقسارى – 14,0 مىڭ گەكتارعا قىسقارتىلدى. سونداي-اق, جەمىس-جيدەك پەن ءجۇزىم ەكپەلەرىنىڭ كولەمى ۇلعايىپ, 27,0 مىڭ گا قۇرادى. كەڭەس ءداۋىرى كەزىندە جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەرىنەن ەڭ جوعارى ونىمدىلىك 1990 جىلى الىنىپ, 137,0 مىڭ توننانى قۇراعان ەكەن. بيىل 26,0 مىڭ تونناعا ارتىپ, 163,0 مىڭ توننا ءونىم جينالادى.
مىنە, وبلىس اكىمى اسقار مىرزاحمەتوۆ وسىناۋ بەرەكە, مولشىلىقتان ماسكەۋلىكتەر دە اۋىز ءتيسىن, ءدامىن كورسىن دەپ, 297 توننا ازىق-ت ۇلىك پەن اۋىل شارۋاشىلىعى ءونىمىن تيەگەن كەرۋەندى رەسەيگە جونەلتتى. اپتا باسىندا سول كەرۋەن اتتانىپ تا كەتتى. 15-18 قىركۇيەك ارالىعىندا ماسكەۋدە قازاقستاننىڭ العاشقى ايماقارالىق جارمەڭكەسىندە وڭتۇستىكتىڭ وسى ونىمدەرى ساۋدا سورەلەرىنە شىعاتىن بولادى. شىنىن ايتۋ كەرەك, بۇرىن-سوڭدى ماسكەۋ تورىندە قازاقستان مۇنداي جارمەڭكەنى وتكىزبەگەن. ال بەلورۋس ەلى مۇنداي مۇمكىندىكتى كەڭىنەن پايدالانۋدا ەكەن. بۇل جارمەڭكە جەرگىلىكتى كاسىپكەرلەرگە ءوز ونىمدەرىن كەدەن وداعى نارىعىنا, ونىڭ ىشىندە ماسكەۋگە شىعارۋىنا, ءارى كاسىبىن دامىتۋ ءۇشىن ماڭىزدى ەكونوميكالىق قادام بولىپ تابىلاتىنى انىق.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
–––––––––––––––––––––
سۋرەتتى تۇسىرگەن
ارمان ابدىراش ۇلى.