بۇگىن تەرروريستەر توبى اۋعانستاننىڭ سولتۇستىك-باتىسىندا ورنالاسقان گەرات قالاسىنداعى اقش كونسۋلدىعىنا شابۋىل جاسادى. بۇل تۋرالى يتار-تاسس حابارلادى.
جەرگىلىكتى باق وكىلدەرىنىڭ مالىمەتى بويىنشا, مەكەمە جانىندا مينالانعان اۆتوكولىك جارىلعان. ارتىنان سودىرلار مەن جانكەشتىلەر عيماراتقا كىرىپ, ونى جاۋلاپ الماق بولعان. اۋعان قۇقىق قورعاۋ ورگاندارىنىڭ دەرەگىنە سۇيەنسەك, ازىرگە ءبىر لاڭكەس پەن ەكى كۇزەتشىنىڭ قازا تاپقانى بەلگىلى بولىپ وتىر. كەم دەگەندە ون ادام, ونىڭ ىشىندە بەيبىت تۇرعىندار جاراقات العان. بىرنەشە عيماراتقا زاقىم كەلتىرىلگەن كورىنەدى.
ايدار ورىسباەۆ.