كەشە سەنات توراعاسى قايرات ءماميدىڭ جەتەكشىلىگىمەن پالاتانىڭ كەزەكتى جالپى وتىرىسى العاش رەت «ونلاين» رەجىمىندە ءوتتى. ەندى بۇدان بىلاي سەنات وتىرىستارى تىكەلەي «ونلاين» رەجىمىندە «تۆيتتەر» جانە وزگە دە موبيلدىك ارنالار ارقىلى تاراتىلادى.
كەشە سەنات توراعاسى قايرات ءماميدىڭ جەتەكشىلىگىمەن پالاتانىڭ كەزەكتى جالپى وتىرىسى العاش رەت «ونلاين» رەجىمىندە ءوتتى. ەندى بۇدان بىلاي سەنات وتىرىستارى تىكەلەي «ونلاين» رەجىمىندە «تۆيتتەر» جانە وزگە دە موبيلدىك ارنالار ارقىلى تاراتىلادى.
«تەك سەناتتىڭ عانا ەمەس, سونىمەن قاتار, تۇراقتى كوميتەتتەردىڭ دە كەيبىر وتىرىستارىن قاجەتتى جاعدايدا وسىنداي «ونلاين» رەجىمىندە كورسەتۋگە ءازىرمىز. پارلامەنت قىزمەتىنىڭ اشىقتىعىن پاش ەتەتىن بۇل جاڭالىقتار ءبىزدىڭ زاڭ شىعارۋشىلىق قىزمەتىمىزگە وڭ اسەر ەتەدى دەپ ويلايمىن», دەدى قايرات ابدىرازاق ۇلى جاڭا جۇمىس جايىن تۇسىندىرە كەلىپ.
بۇدان كەيىن كۇن تارتىبىندەگى ماسەلەلەر قارالدى. بۇل جولى دەپۋتاتتار نازارىنا تمد ەكونوميكالىق سۋدياسىن سايلاۋ, قوسارلانعان سالىقتى بولدىرماۋ جانە كونستيتۋتسيالىق مەرزىمدەردى ەسەپتەۋ ماسەلەلەرى ۇسىنىلدى. دەپۋتاتتار الدىمەن سۋديالار ماسەلەسىن شەشىپ الدى. قازاقستان پرەزيدەنتى ۆەنەرا سەيتىموۆانى سايلاۋ تۋرالى پارلامەنت سەناتىنا ۇسىنىم جاساسا, ەلباسىنىڭ بۇل ۇسىنىمى پالاتا دەپۋتاتتارى تاراپىنان قولداۋ تاپتى. ءسويتىپ, ۆەنەرا سەيتىموۆا تاۋەلسىز مەملەكەتتەر دوستاستىعى ەكونوميكالىق سوتىنىڭ سۋدياسى قىزمەتىنە سايلاندى. بۇرىن وسى قىزمەتتى اتقارىپ كەلگەن ءسابيت جولدىباەۆ وكىلەتتىك مەرزىمىنىڭ اياقتالۋىنا بايلانىستى تمد ەكونوميكالىق سوتىنىڭ سۋدياسى قىزمەتىنەن بوساتىلدى.
سونداي-اق, دەپۋتاتتار جالپى وتىرىستا «قازاقستان رەسپۋبليكاسىنىڭ ۇكىمەتى مەن بىرىككەن اراب امىرلىكتەرىنىڭ ۇكىمەتى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وعان حاتتامانى راتيفيكاتسيالاۋ تۋرالى» زاڭ جوباسىن قابىلدادى. كونۆەنتسياعا 2008 جىلدىڭ 22 جەلتوقسانىندا ابۋ-دابي قالاسىندا قول قويىلعان. ماقسات – ينۆەستيتسيالار ءۇشىن ءوزارا قولايلى جاعدايلار جاساۋ. بۇدان باسقا زاڭدىق قۇجاتتىڭ قابىلدانۋى قازاقستان مەن بىرىككەن اراب امىرلىكتەرىنىڭ ەكونوميكالىق ىنتىماقتاستىعىن نىعايتۋعا سەرپىن بەرۋى ءتيىس. جانە دە كونۆەنتسيا ەكى مەملەكەت رەزيدەنتتەرىنىڭ تابىستارىنا قوسارلانعان سالىق سالۋدى الىپ تاستاۋدى كوزدەيدى جانە سالىق سالۋدان جالتارۋدىڭ الدىن الادى. سونىمەن بىرگە, قۇجاتتا تابىستىڭ پايدا بولۋ كوزى بولىپ تابىلاتىن مەملەكەتتە ديۆيدەندتەرگە, پايىزدارعا جانە رويالتيگە تومەندەتىلگەن مولشەرلەمەلەر بويىنشا سالىق سالىنۋى مۇمكىن ەرەجەلەر قامتىلىپ وتىر.
بۇدان باسقا, «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا كونستيتۋتسيالىق مەرزىمدەردى ەسەپتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا قولداۋ تاپتى. اتالعان قۇجات كونستيتۋتسيالىق مەرزىمدەردى ەسەپتەۋ ماسەلەسى بويىنشا كونستيتۋتسيالىق كەڭەستىڭ 2012 جىلعى قاۋلىسىن ىسكە اسىرۋ ماقساتىندا ازىرلەنگەن. بۇل رەتتە زاڭ جوباسىنىڭ ماقساتى كونستيتۋتسيالىق مەرزىمدەردىڭ باستالۋىن جانە اياقتالۋىن ەسەپتەۋ ءتارتىبىن بەلگىلەۋ بولىپ تابىلادى. ەلىمىز كونستيتۋتسياسىندا بارلىق جاعدايلاردا وندا كورسەتىلگەن مەرزىمدەردى ەسەپتەۋدىڭ باستالۋى مەن اياقتالۋى بەلگىلەنبەيدى جانە قانداي كۇننەن نەمەسە وقيعانىڭ باستالۋىنان مەرزىمدى ەسەپتەۋ شارالارى ناقتىلانباعان.
وسىعان وراي, كونستيتۋتسيالىق كەڭەستىڭ رەسمي تۇسىندىرۋىمەن بىرقاتار زاڭ نورمالارىنا كونستيتۋتسيالىق مەرزىمدەردىڭ باستالۋى مەن اياقتالۋىن ەسەپتەۋ ءتارتىبىن بەلگىلەۋ ۇسىنىلادى. «قازاقستان رەسپۋبليكاسىنداعى كونستيتۋتسيالىق كەڭەس تۋرالى» كونستيتۋتسيالىق زاڭنىڭ 24-بابى جانە كونستيتۋتسيالىق كەڭەستىڭ ءوتىنىشتى قاراۋىنا قورىتىندى شەشىمدى قابىلداۋىنا زاڭدا بەلگىلەنگەن ايلىق مەرزىمنىڭ اياقتالۋىن ناقتىلاۋمەن جاڭا رەداكتسيادا جازىلىپ وتىر. ادىلەت ءمينيسترى بەرىك يماشەۆتىڭ ايتۋىنشا, «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 69-بابىنىڭ 3-تارماعى ەكىنشى بولىكپەن تولىقتىرىلادى. وندا رەسپۋبليكا پرەزيدەنتىنىڭ پارلامەنتتى تاراتۋ تۋرالى اكتىسى قولدانىسقا ەنگىزىلگەن كۇن دەپۋتاتتاردىڭ كەزەكتەن تىس سايلاۋى وتكىزىلۋى ءتيىس مەرزىمنىڭ باستالۋ كەزەڭى بولىپ تابىلاتىندىعى كوزدەلگەن. بۇل مەرزىم ەكى اي وتكەن سوڭ اياقتالادى. ەگەر مەرزىمنىڭ اياقتالۋىنا ءتيىستى كۇن بەلگىلەنبەگەن ايعا تۋرا كەلەتىن بولسا, وندا مەرزىم وسى ايدىڭ سوڭعى كۇنىندە اياقتالادى.
اسقار تۇراپباي ۇلى,
«ەگەمەن قازاقستان».