ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ جىلجىمايتىن م ۇلىككە سالىناتىن سالىقتى ارتتىرۋ جاعدايعا پارا-پار جانە دەر كەزىندەگى شارا دەپ ەسەپتەيدى. «بۇل بۇگىنگى احۋالعا جاۋاپ بەرەتىن ناعىز پارا-پار شارا» دەپ اتاپ كورسەتتى مينيستر. بۇل تۋرالى وسى مينيسترلىكتىڭ ءباسپاسوز قىزمەتى حابار تاراتتى.
ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ جىلجىمايتىن م ۇلىككە سالىناتىن سالىقتى ارتتىرۋ جاعدايعا پارا-پار جانە دەر كەزىندەگى شارا دەپ ەسەپتەيدى. «بۇل بۇگىنگى احۋالعا جاۋاپ بەرەتىن ناعىز پارا-پار شارا» دەپ اتاپ كورسەتتى مينيستر. بۇل تۋرالى وسى مينيسترلىكتىڭ ءباسپاسوز قىزمەتى حابار تاراتتى.
ءوز سوزىندە ە.دوساەۆ استانا قالاسىنىڭ ەكى اۋماعىندا ورنالاسقان كولەمى 45 شارشى مەتر ەكى پاتەردى مىسالعا كەلتىرەدى. «ولاردىڭ بىرەۋى رەسپۋبليكا داڭعىلىنداعى ەسكى كوپ قاباتتى ۇيدە ورنالاسسا, ەكىنشىسى ورىنبور كوشەسىندەگى جاڭادان سالىنعان عيماراتتا قونىس تەپكەن. بۇل پاتەرلەردىڭ باعاسىنىڭ ءارتۇرلى بولۋى زاڭدى قۇبىلىس. ءتىپتى, جىلجىمايتىن م ۇلىكتى تىركەيتىن ورتالىقتىڭ بەلگىلەگەن باعاسى بويىنشا دا ورىنبور كوشەسىندە ورنالاسقان پاتەر ەكىنشىسىنە قاراعاندا جارتى ميلليون تەڭگەگە قىمبات باعالانادى. ال رىنوكتىق باعا بويىنشا پاتەرلەر قۇنىنىڭ ايىرماشىلىعى بۇدان دا جوعارى. سوعان قاراماستان, بۇل ەكى پاتەرگە تولەنەتىن سالىقتاردىڭ ايىرماسى بولماشى عانا. ماسەلەن, رەسپۋبليكا داڭعىلىنداعى پاتەر يەسى 2237 تەڭگە سالىق تولەسە, ورىنبور كوشەسىندەگى پاتەر يەسى 2918 تەڭگە سالىق تولەيدى.
الايدا, پاتەرلەردىڭ رىنوكتىق باعاسى بويىنشا قۇنىنداعى ايىرماشىلىق جەر مەن كوكتەي ەمەس پە!», دەيدى مينيستر.
وسىعان بايلانىستى ەكونوميكا جانە بيۋدجەتتىك جوسپارلاۋ ءمينيسترى جاعدايدى وزگەرتۋدى ۇسىنادى. «ءبىز بازالىق باعانى استانا جانە الماتى قالالارى ءۇشىن قازىرگى 30 مىڭ تەڭگەدەن 60 مىڭ تەڭگەگە دەيىن ارتتىرامىز. ياعني, باسقاشا ايتقاندا, ەڭ جوعارعى بازالىق باعا – ءاربىر شارشى مەترگە 400 دوللار بولادى. ال اۋداندىق ماڭىزداعى قالالاردىڭ, كەنتتەردىڭ جانە سەلولاردىڭ سالىق دەڭگەيىن بۇرىنعى مولشەردە قالدىرامىز. الداعى ۋاقىتتا وسى باعالاۋ مولشەرىنە سايكەس, سالىق سوماسى بەلگىلەنەتىن بولادى», دەدى دوساەۆ. وسى رەتتە ول سالىقتىڭ ەسەپتەۋ ستاۆكالارىنىڭ وزگەرمەيتىندىگىن مالىمدەدى. «ولار بۇرىنعىسىنشا, 0, 0,5 پايىزدان (بۇل باعالاۋ قۇنى 1 ميلليون تەڭگەگە دەيىنگى پاتەرلەر) 1 پايىزعا (باعالاۋ قۇنى 120 ميلليون تەڭگەدەن جوعارى پاتەرلەر ءۇشىن) دەيىن بولادى.
مينيستر اتاپ كورسەتكەندەي, ءماسليحاتتىڭ شەشىمىمەن بەلگىلەنەتىن تۇرعىن ۇيلەردىڭ ورنالاسۋ ايماعىنا بايلانىستى كوەففيتسيەنتتەرى دە بولادى. «ياعني نەعۇرلىم پاتەرلەر ەليتالىق ايماقتاردا ورنالاساتىن بولسا, سوعۇرلىم ولاردىڭ قۇنى دا جوعارى بولادى. بۇل رەتتە م ۇلىككە سالىناتىن سالىقتىڭ جەرگىلىكتى بيۋدجەتكە تۇسەتىندىگىن ۇمىتپاۋىمىز كەرەك. باسقاشا ايتقاندا, قالانىڭ قولايلى جاڭا اۋداندارىندا قونىستانعان پاتەر يەلەرى قالانىڭ شەت ايماقتارىنداعى ەسكى ۇيلەردەگى پاتەرلەردە تۇراتىنداردان كوپ سالىق تولەيتىن بولادى. سونىمەن بىرگە, ارداگەرلەر, تىل ەڭبەككەرلەرى, كوپ بالالى انالار ءۇشىن جەڭىلدىكتەر, سونىمەن بىرگە تۇرعىنداردىڭ از قامتاماسىز ەتىلگەن توپتارى ءۇشىن بىرقاتار جەڭىلدىكتەر ساقتالاتىن بولادى», دەپ اتاپ كورسەتتى مينيستر.
سونىمەن بىرگە, ەربولات دوساەۆ سالىق سالۋ جۇيەسىندەگى تاعى ءبىر جاڭالىقتى – جىلجىمايتىن م ۇلىكتىڭ كولەمىنە بايلانىستى سالىقتى ءوسىرۋ جايىن دا تىلگە تيەك ەتتى. «وتە قىمبات پاتەرلەر (كولەمى 150 شارشى مەتردەن اساتىن پاتەرلەر جانە جالپى كولەمى 300 شارشى مەتردەن اساتىن جەكە مەنشىك ۇيلەر) سالىق تولەۋشىلەر ءۇشىن قىمباتقا تۇسەتىن بولادى. ءبىز وسىنداي ساناتتاعى تۇرعىن ۇيلەرگە تولەنەتىن سالىق ستاۆكاسىن ءۇش كوەففيتسيەنتتەن جوعارى ەسەپتەۋدى ۇسىنامىز. مۇنداي تۇرعىن ۇيلەر بىزدە كوپ ەمەس. قازىر ەلىمىزدە جالپى 2,14 ميلليون پاتەر بولسا, ونىڭ ىشىندە 10,1 مىڭىنىڭ عانا كولەمى 150 شارشى مەتردەن اسادى. جەكە تۇرعىن ۇيلەر 2,6 ميلليون بولسا, ونىڭ ىشىندە 300 شارشى مەتردەن اساتىنى 34 مىڭ تۇرعىن ءۇي», دەپ قورىتىندىلادى ءوز ءسوزىن ەربولات دوساەۆ.
جىلقىباي جاعىپار ۇلى,
«ەگەمەن قازاقستان».