ورتالىق كوممۋنيكاتسيالار قىزمەتىنىڭ الاڭىندا «ايەلدەر كاسىپكەرلىگىن قولداۋ ارقىلى اۋىلدىڭ تۇراقتى دامۋىن ارتتىرۋ» تاقىرىبىنا ارنالعان ءباسپاسوز ءماسليحاتى ءوتتى.
جيىنعا پارلامەنت ءماجىلىسىنىڭ دەپۋتاتى مايرا ايسينا, «جاسىل ەكونوميكانى» قولداۋ جانە G-Global-دى دامىتۋ كواليتسياسى» زتب باسقارما توراعاسى سالتانات راحىمبەكوۆا, «الەۋمەتتىك ديناميكا» قوعامدىق قورىنىڭ ديرەكتورى ەلەنا وجگو, ەڭبەك جانە حالىقتى الەۋمەتتىك قورعاۋ مينيسترلىگىنىڭ جۇمىسپەن قامتۋ دەپارتامەنتىنىڭ ديرەكتورى ەربولات ابۋلحاتين قاتىستى. سپيكەرلەر اۋىل ايەلدەرىنىڭ الەۋەتىن ارتتىرىپ, ولاردىڭ كاسىپكەرلىك مۇمكىندىكتەرىن جۇزەگە اسىرۋ ءۇشىن اتقارىلىپ جاتقان جۇمىستارمەن تانىستىردى.
– «Cocا-Cola بەلەستەرى» الەۋمەتتىك باعدارلاماسى اياسىندا جەمىستى جۇمىس ىستەپ كەلە جاتقانىمىزعا جەتى جىل بولدى. وسىعان دەيىن 13 مىڭنان استام اۋىل ايەلىنە ءوز كاسىبىن اشۋعا كومەكتەستىك. ەلىمىزدىڭ ءارتۇرلى اۋىلدارىنان ىسكەر ايەلدەردى جيناپ, كاسىپكەرلىكتىڭ نەگىزىنە ۇيرەتتىك. ەڭ ۇزدىك بيزنەس-جوبالاردىڭ يەلەرى ارنايى گرانت ۇتىپ الدى. بۇگىندە ناقتى 50 بيزنەس-جوبا جەمىستى جۇمىسىن باستاپ كەتتى, – دەدى م.ايسينا. ونىڭ ايتۋىنشا, ىسكەر ايەلدەر ەل ەكونوميكاسىنا ۇلكەن وزگەرىستەر اكەلىپ, ءوندىرىس سالاسىندا وزىندىك قولتاڭباسىن قالدىرا الادى.
ودان كەيىن ءسوز العان ە.ابۋلحاتين «ەل ءونىمى» جوباسىنىڭ ىسكە اسىرىلاتىنىن ايتتى. جاڭا جوبا اگروونىمدەردى ءوسىرۋ جانە وندىرۋمەن بىرگە شەتەل نارىعىنا شىعۋعا مۇمكىندىك بەرەدى. سول ارقىلى حالىقتىڭ تابىسىن ارتتىرىپ, جۇمىسسىزدىق دەڭگەيىن تومەندەتۋگە جاردەمدەسەدى.
جيىندا س.راحىمبەكوۆا «جەكە قوسالقى شارۋاشىلىق» ونلاين-مەكتەبى ارقىلى تۇرمىستاعى كەلىنشەكتەر ۇيدە وتىرىپ-اق ماڭىزدى اقپاراتتارعا قانىعاتىنىن ايتتى. ءارى كاسىپكە بايلانىستى ماعلۇماتتارعا وڭاي قول جەتكىزە الادى. سونداي-اق ەلدى مەكەندەردى جۇمىسپەن قامتۋدان باسقا, جەكە قوسالقى شارۋاشىلىقتا اۋىلشارۋاشىلىق ءونىمىن ءوندىرۋدىڭ كولەمىن ۇلعايتۋدى ماقسات ەتپەك. ە.وجگو ۇكىمەت اۋىل ايەلدەرى اراسىنداعى كاسىپكەرلىكتى دامىتۋ ءۇشىن بارلىق جاعداي جاساپ وتىرعانىن نازارعا السا, ا.اككيرمان نازىك جاندىلاردىڭ قوعامعا اكەلەر پايداسىن باياندادى. ونىڭ ايتۋىنشا, اۋىلدا كاسىپ باستاعان ارۋلارعا العاشقى ساتتە مىندەتتى تۇردە قولداۋ قاجەت. سوندا عانا ولاردىڭ ءىسى العا باسادى. مەملەكەت تاراپىنان كومەك بولاتىنىنا كوزى جەتكەن باسقا ايەلدەر دە ىنتا-جىگەر ءبىلدىرىپ, كاسىپكەرلىككە بەت بۇرا باستايدى. ولار وزدەرىنىڭ وتباسىنىڭ ءال-اۋقاتىن جاقسارتۋمەن عانا شەكتەلىپ قالمايدى, ەل ەكونوميكاسىن كوتەرۋگە دە اتسالىساتىن بولادى. ونىڭ ۇستىنە قازىر تۇرعىنداردى تازا تابيعي اۋىلشارۋاشىلىق ونىمدەرىمەن قامتاماسىز ەتۋ ماڭىزدى ماسەلەلەردىڭ ءبىرى بولىپ وتىر. وسىنى ويداعىداي ورىنداۋعا اۋىلداعى ايەلدەردىڭ مۇمكىندىگى تولىق جەتەدى.
مۇحتار كۇمىسبەك,
«Egemen Qazaqstan»