جاۋىنگەرلىك دايىندىقتىڭ كەزەكتى كەزەڭىنىڭ سوڭىندا ماڭعىستاۋداعى «ويماشا» وقۋ پوليگونىندا ۆزۆودتاردىڭ جاۋىنگەرلىك اتىستارى وتۋدە. بۇل تۋرالى «باتىس» وڭىرلىك قولباسشىلىعى ءباسپاسوز قىزمەتى حابارلادى.
ۆزۆودتاردىڭ جاۋىنگەرلىك اتىسىنا موتواتقىش جانە تەڭىز جاياۋ اسكەرىنىڭ ۆزۆودتارى مەن قوسا, وقپەن قولداۋ كورسەتۋ كۇشتەرى رەتىندە تانك پەن ارتيللەريا بولىمشەلەرى قاتىسۋدا.
وسى كەزەڭدەگى اتىستاردىڭ بارىسىندا تەڭىز جاياۋ اسكەرلەرىنىڭ ۆزۆودتارىمەن قالالىق جاعدايداعى ۇرىس جۇرگىزۋ ماسەلەلەرى قاراستىرىلدى. جاتتىعۋ بارىسىندا ەلدى مەكەندى بارلاۋ جانە ەلدى مەكەندەگى ۇرىس كەزىندەگى جەكە قۇرام مەن اسكەري تەحنيكانىڭ ءىس-ارەكەتىن كەلىستىرۋ ماسەلەلەرى تياناقتى قاراستىرىلدى.
جاۋىنگەرلىك اتىستار باستالار الدىندا باتالون كومانديرلەرىنىڭ جالپى باسشىلىعىمەن نۇسقاۋلىق-ادىستەمەلىك ساباقتار وتكىزىلدى. اتىستاردىڭ ناتيجەسى بويىنشا جەكە قۇرامدى جاقسى باسقارىپ, دۇرىس شەشىمدەردى قابىلداۋ ارقىلى كوزگە تۇسكەن تەڭىز جاياۋ اسكەرلەرى ۆزۆودىنىڭ كومانديرلەرى لەيتەنانت يلدار ايىمبەك پەن لەيتەنانت جانىبەك ازانباي ۇزدىك اتاندى.
ۆزۆودتاردىڭ جاۋىنگەرلىك اتىستارى ناۋرىز ايىنىڭ باسىندا اياقتالادى.
ماڭعىستاۋ وبلىسى