اقتاۋدا ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ ۇيىمداستىرۋىمەن قىلمىستىق اتقارۋ جۇيەسى دەپارتامەنتىنىڭ باسشىلىق جانە جەكە قۇرامىنىڭ قاتىسۋىمەن كەزدەسۋ ءوتتى. بۇل تۋرالى اتالعان دەپارتامەنتتىڭ ءباسپاسوز قىزمەتى حابارلادى.
قك 146 بابىمەن تىركەلگەن قىلمىستىق ىستەر بويىنشا دەپارتامەنتتىڭ اسا ماڭىزدى ىستەر جونىندەگى تەرگەۋشىسى ل.تايلاق قپك 200 بابىنىڭ 1 تارماعىنىڭ تالابىنا سايكەس قىلمىستىق قۇقىق بۇزۋشىلىق جاساۋعا ىقپال ەتكەن جاعدايلاردى جانە زاڭ بۇزۋشىلىقتاردى جويۋ تۋرالى ۇسىنىستارىمەن تانىستىرىپ ءوتتى.
ال دەپارتامەنت باسشىسى ب.جىلقىباەۆ قوعامدا سىبايلاس جەمقورلىققا قارسى مادەنيەتتى قالىپتاستىرا وتىرىپ, جەكە قۇرامعا زاڭبۇزۋشىلىقتاردىڭ الدىن الۋ ءۇشىن كەشەندى جۇمىس اتقارۋ قاجەتتىلىگى تۋرالى اڭگىمەلەدى.
سىبايلاستىقتان ساقتاندىرىپ, ونى بولدىرماۋ ماقساتىنداعى تاعىلىمدى كەزدەسۋدەن سوڭ قاتىسۋشىلار «1424» كوركەم ءفيلمىن تاماشالادى.
ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ سىبايلىستىقپەن, جەمقورلىقپەن كۇرەس باعىتىنداعى كەزدەسۋلەرى جالعاسا بەرمەك.
ماڭعىستاۋ وبلىسى