ەرىكتىلەر مەكتەبى اشىلدى

«قۇرامىنا 200-دەن استام ستۋدەنتتى بىرىكتىرگەن مەكتەپ ساباقتاستىق, ساۋلىق, تازا الەم, اسىل مۇرا, قامقور, ءبى­لىم, ءۇمىت سەكىلدى جەتى باعىت بو­­يىنشا 19 اقپاننان 19 ما­مىرعا دەيىن جۇمىس ىستەيدى. اتالعان باعىتتار بويىنشا ەرىكتىلەر مەكتەبىندە ءدارىس وقى­­لىپ, سەمينار-ترەنينگتەر مەن شەبەرلىك ساباقتار ۇيىم­داستىرۋ جوسپاردا بار» دەيدى ۋنيۆەرسيتەت رەكتورى مۇحتار تولەگەن.

جالپى, قازىرگى ۋاقىتتا بۇل وقۋ ورنىندا 2 مىڭنان استام ستۋدەنت ەرىكتىلەر قۇرامىندا جۇمىس ىستەيدى ەكەن. ال جا­ڭا­دان اشىلعان ەرىكتىلەر مەك­­تەبى 3 اي كولەمىندە 200 ستۋ­دەنتتى وقىتىپ, دايىنداپ شى­­عار­ماق. ء«بىلىم جانە عى­لىم مينيسترلىگىنىڭ تاپسىرى­سىنا سايكەس ءبىز 240 ەرىكتىنى دا­يىنداپ شىعارۋعا ءتيىسپىز. بۇ­دان بولەك وبلىس اكىمدىگى دە وزدەرىنىڭ ءوتىنىش-تىلەكتەرىن ءبىل­دىرىپ وتىر. ەرىكتىلەر مەك­تەبىندە ستۋدەنتتەردى اباي شى­­عارماشىلىعىمەن, قا­زا­ق­ستاننىڭ تاريحىمەن, جە­تىس­­تىكتەرىمەن, ەلباسىنىڭ قاي­­­­راتكەرلىك قىرلارىمەن, شىعىس قازاقستان جايىنداعى ماعلۇماتتارمەن جان-جاقتى تانىستىرامىز. بيىل ەلىمىز­دەگى ەڭ مەرەيلى داتا اباي تويى بولعاندىقتان بۇل اۋقىم­­دى شاراعا ۆولونتەرلەر جىبەرۋ ويىمىزدا بار. ەكى ءجۇز ستۋدەنتتىڭ ىشىنەن 80-ءىن ىرىكتەپ, تاڭداپ الامىز. ولار اباي تويىنا كەلگەن قو­ناق­تارعا قىزمەت كورسەتەدى. ەرىك­تىلەرگە ابايتانۋشى, في­لولوگيا عىلىمدارىنىڭ دوك­تورى ايجان قارتاەۆا, ليۋتسيا ابدۋللينا, «2019 جىل­دىڭ ۇزدىك وقىتۋشىسى» اتانعان جاننا اۋباكىروۆا, راۋشان نۇر­بەكوۆا, پرەزيدەنت جا­نىن­داعى مەملەكەتتىك باس­قارۋ اكادەمياسىنىڭ اعا وقى­تۋشىسى گۇلفيا بەرىك­بو­لوۆا سىندى بىلىكتى ۇستازدار ساباق بەرەدى», دەيدى اتالعان وقۋ ورنىنىڭ كاسىپتىك دايارلاۋ جانە بىلىكتىلىكتى ارتتىرۋ رە­سۋرستىق ورتالىعىنىڭ دي­رەك­تورى باقىتجان كەل­گەنباەۆا.

وسكەمەن