ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا شىمكەنتتە اۋقىمدى جوبالار جۇزەگە اسادى. سولاردىڭ ءبىرى رەتىندە قالامىزداعى تاريحي ورىنداردىڭ ينفراقۇرىلىمى جاڭارتىلىپ, تۋريستەر بارلىق ورىنعا ساياحات جاساي الادى.
بۇل تۋرالى اقپاراتتىق كوممۋنيكاتسيالار ورتالىعىندا وتكەن بريفينگتە شىمكەنت قالاسى بويىنشا «رۋحاني جاڭعىرۋ» جوبالىق كەڭسەسىنىڭ مەڭگەرۋشىسى زاۋرە ورالباەۆا ايتىپ ءوتتى.
سونداي-اق بىلتىر ءۇشىنشى مەگاپوليستە «تۋعان جەر» جوباسى بويىنشا 5-7-سىنىپ وقۋشىلارىنا ارنالعان «ولكەتانۋ», «ولكەتانۋ حرەستوماتياسى» كىتاپتارى جارىق كورگەن. بۇگىندە قالاداعى ءبىلىم ۇيالارىندا وقۋشىلار وسى وقۋلىقتان ءنار الىپ, تۋعان ولكە تاريحىمەن تانىسۋدا.
ال اتالعان ءبولىم تاراپىنان «كىتاپ وقىپ, رۋحاني باي بول!» بايقاۋى, رەسپۋبليكالىق «تۇلپار ءمىنىپ, تۋ العان!» باتىرلار جىرىن جاتقا ايتۋعا ارنالعان بايقاۋى اۋقىمدى تۇردە وتكىزىلىپ كەلەدى.
«قالامىزدا وتكەن جىلى «رۋحاني جاڭعىرۋ» باعدارلاماسى اياسىندا 742-گە جۋىق ءتۇرلى ءىس-شارا ۇيىمداستىرىلدى», دەدى زاۋرە ورالباەۆا.
جىلدىڭ باستى ءىس-شاراسى رەتىندە الدا كەلە جاتقان ناۋرىز مەرەكەسىندە شىمشاھاردا تمد ەلدەرىنىڭ مادەني استاناسى جىلىنىڭ اشىلۋ سالتاناتى وتەدى. وندا ەتنواۋىل اشىلىپ, قوعامدىق جانە مادەني دەمالىس ورىندارىندا قازاقتىڭ حالىق اندەرى مەن كۇيلەرى ورىندالماق.
مۇنان بولەك, ءال-ءفارابيدىڭ – 1150, ابايدىڭ 175 جىلدىق مەرەيتويى تانىمدىق, تاربيەلىك ماقساتتا جوعارى دەڭگەيدە اتاپ وتىلمەكشى.
شىمكەنت