مەرەكە كەڭىنەن اتالىپ ءوتتى

مەرەكەلىك شارا بارى­سىن­دا ۇلتتىق كيىم كيگەن ەتنو­ما­دەني بىرلەستىك تورا­عال­ا­رى مەن ارداگەرلەرى جەرگىلىكتى جۇرت­شى­لىقپەن امانداسىپ, دوستىق راۋىشتەرىن ءبىلدىردى. سونىمەن قاتار كەلۋشىلەرگە 12 ءتۇرلى ۇلت­تىق تاعامنان ازىرلەنگەن العىس دا­ستارقانى جايىلدى. كونە شا­ھار تۇرعىندارى مەرەكەلىك داس­تارقاننان ءدام تاتسا, تۇرىك, ورىس, كۇرد, ازەر­باي­جان, دۇن­گەن ەتنوسىنىڭ وكىلدەرى قازاق حالقىنا العىس­تا­رىن جەت­كىز­دى. كوپشىلىك ءبىر-بىرىمەن قۇشاق­تاس­ىپ, قول الىسىپ, وزدەرىنىڭ اق نيەتىن ءبىلدىردى.

­سالتاناتتى شارانى جام­بىل وبلىسىنىڭ اكىمى بەردىبەك ساپارباەۆ ءسوز باستاپ, ءوڭىر تۇر­عىندارىن مەرە­كە­لە­رى­مەن قۇت­تىقتادى. «العىس ايتۋ كۇنى – تاريحتىڭ ءتۇرلى كەزەڭ­دەرىندە قازاق حالقىنىڭ باۋىر­مال­دىعىنا بولەنگەن ءتۇرلى ەتنوس وكىلدەرىنىڭ كيەلى قازاق جەرى مەن قوناقجاي قازاق حالقىنا دەگەن تەرەڭ تاعزىمىنىڭ اشىق بەلگىسى. راسىندا, وتكەن تاريح­تا تاعدىر تاۋقىمەتىمەن ۇلى دالا توسىنە ءار جىلداردا بۇتىن­دەي ءبىر حالىقتار – 800 مىڭعا جۋىق نەمىس, 102 مىڭ پولياك, 550 مىڭ سولتۇستىك كاۆكاز حا­لىق­تارىنىڭ وكىلدەرى, قيىر شى­عىس­تاعى 18 مىڭنان استام كورەي وتباسىلارى قونىس اۋداردى. بۇگىندە ءبىزدىڭ قاسيەتتى جامبىل جەرىندە 87 ەتنوس, 21 ەتنومادەني بىرلەستىك وكىلدەرى اسسامبلەيا قۇرامىندا بىرلىك پەن تاتۋلىقتا ءومىر سۇرۋدە. وبلىسىمىزدا كۇرد, تۇرىك, دۇن­گەن جانە وزگە دە ەتنوس­تار تىعىز شوعىرلانعان 5 اۋدان بار. كوپەتنوستىق – ءبىز­دىڭ باسىمدىعىمىز, بىرلىك – سار­قىلماس بايلىعىمىز», دەدى اكىم. سونىمەن قاتار قازاقس­تاننىڭ حالىق ءارتىسى, مەملەكەتتىك سىيلىقتىڭ لاۋرەاتى تۇڭعىشباي جامانقۇلوۆ تا ءوزىنىڭ لەبىزىن جەتكىزدى. ء«بىز, قازاق دەگەن قۇشاعىمىز كەڭ, اقكوڭىل, ادال, اڭعال حالىقپىز. ءبىزدىڭ باۋىرىمىزعا قانشاما حالىقتار, ۇلتتار, سىيىپ كەتىپ جاتىر. ءبىزدىڭ ەڭ كەرەمەت قاسيەتتەرىمىزدىڭ ءبىرى بۇل», دەدى ول. سونداي-اق «پولونەز» پولياك ەتنومادەني بىرلەستىگىنىڭ جەتەكشىسى لاريسا كالكوۆا, «باربانگ» كۇردتەر اسسوتسياسى وبلىستىق اقساقالدار كەڭەسىنىڭ مۇشەسى سابري اسانوۆ بارشا ەتنوستاردىڭ اتىنان قازاق حالقىنا العىسىن ءبىلدىردى.

مەرەكەلىك شارا بارىسىن­دا ءتۇرلى ەتنوستاردىڭ قازاق جە­­رى­نە قونىستانۋى تۋراسىن­دا تەاتر­لاندىرىلعان قويى­لىم قويىلىپ, سوڭى ونەر جۇلدىز­دا­رىنىڭ كونتسەرتىنە ۇلاستى. سونداي-اق قورداي اۋدانىنداعى ماسانچي اۋىلىندا 2000 ادامدى قامتيتىن «بىرلىگى جاراسقان, تۋعان جەرىم – قوردايىم» اتتى العىس ايتۋ فەستيۆالى ءوتتى. مەرە­كەلىك شاراعا جينالعان كو­پش­ىلىك اۋدان ورتالىعى قور­داي اۋىلىنداعى نوعايباي بي ەسكەرت­كىشىنە گۇل شوقتارىن قويدى. سونىمەن قاتار العىس داستار­قانى جايىلىپ, قورداي, قارا­كەمەر, قاراسۋ اۋىلدارىنان كەلگەن تۇرعىندار داستارحاننان ءدام تاتتى. العىس ايتۋ كۇنىنە وراي وڭىردە باستاۋ العان شارالار ناۋرىز ايىنداعى مەرەكەلەردە جالعاسىن تابادى.

جامبىل وبلىسى