يراندا 54 ادام كوروناۆيرۋستان كوز جۇمدى. بۇل تۋرالى يران يسلام رەسپۋبليكاسى دەنساۋلىق ساقتاۋ مينيسترلىگىنىڭ وكىلى كيانۋش دجاحانپۋر مالىمدەدى.
يرنا اگەنتتىگىنىڭ اقپاراتىنا سايكەس, ءبىر تاۋلىكتە تاعى 385 ادام اتالمىش ۆيرۋستى جۇقتىرىپ ۇلگەرگەن. كيانۋش دجاحانپۋردىڭ ايتۋىنشا, ينفەكتسيا جۇقتىرعانداردىڭ جالپى سانى - 978. ونىڭ ىشىندە جۇزدەن استام ادام اۋرۋدان جازىلعان, 54 ادام كوز جۇمدى.
«جاڭا جاعدايلاردىڭ 170-ءى تەگەراندا تىركەلىپ وتىر. كۋمدا – 30, گيلياندا – 28, يسفاحاندا – 13, ماركازي پروۆينتسياسىندا – 14, مازەندەراندا – 11, وڭتۇستىك حوراساندا – 2, يلامدا – 1, فارس پروۆينتسياسىندا – 8, حوراسان رازاۆيدە – 17, كەرمانشاحتا - 2, لورەستاندا - 8, حورموزگاندا - 2, حاماداندا - 3, البورزدا – 31, سەمناندا – 3, كەرماندا - 2, كۇردىستاندا – 5, حۋزەستاندا – 9, سيستان جانە بەلۋدجيستان پروۆينتسياسىندا – ءبىر جاعداي بولدى. ونىڭ ىشىندە 11 ادام قايتىس بولدى», دەدى كيانۋش دجاحانپۋر.
ەسكە سالايىق, كەشە مينيسترلىكتىڭ وكىلى يراندا 43 ادامنىڭ كوروناۆيرۋستان قايتىس بولعانىن حابارلاعان ەدى.