اقمولا وبلىسى – مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى توراعاسى سەرىك ساپيەۆ «حرۋستالنىي كولوس» قىسقى سپارتاكياداسى اياسىندا 2020 مەتر قاشىقتىقتى شاڭعىمەن ءجۇرىپ ءوتتى. سەرىك جۇمانعالي ۇلى وسىلايشا اقمولا وبلىسىنىڭ سپورتشىلارىنا قولداۋ تانىتتى.
ايتا كەتەيىك, اقمولا وبلىسىنىڭ زەرەندى اۋدانىندا وبلىستىق XXXIV قىسقى سپورتاكيادانىڭ اشىلۋى ءوتتى. جارىسقا قاتىسۋشىلاردى سەرىك ساپيەۆ, اقمولا وبلىسىنىڭ اكىمى قانات ىدرىسوۆ قارسى الدى. سەرىك جۇمانعالي ۇلى ءوز سوزىندە قىسقى سپورت تۇرلەرىنىڭ اقمولا وبلىسىندا قارقىندى دامىپ كەلە جاتقانىن اتاپ ءوتتى.
«مادەنيەت جانە سپورت مينيسترلىگى اتىنان سپارتاكيادا قاتىسۋشىلارىنا ساتتىلىك تىلەپ, اقمولا وبلىسى سپورتشىلارى قىسقى سپورت تۇرلەرىندە اسا ءساتتى ونەر كورسەتىپ جاتقانىن تىلگە تيەك ەتتى. وسى داستۇردەن تانباي, قىسقى سپورتتىڭ وڭىردە بۇدان ءارى دە دامي بەرۋىن تىلەدى. سونىمەن قاتار, ول زەرەندى اۋدانىنىڭ 85-جىلدىعىمەن قۇتتىقتاپ, ءوڭىردىڭ ءوسىپ ونۋىنتىلەيتىنىن ايتتى. سونداي-اق, جاستاردى سالاۋاتتى ءومىر سالتىن ۇستانۋعا, سپورتپەن اينالىسۋعا, بۇقارالىق سپورتتى تانىمال ەتۋگەشاقىردى»,-دەدى سەرىك جۇمانعالي ۇلى.
ءوز كەزەگىندە قانات ىدرىسوۆ بارلىق سپورتشىلارعا ساتتىلىك پەن جەڭىس تىلەدى. جارىستىڭ ۇيىمداستىرۋشىسى – اقمولا وبلىسىنىڭ اكىمدىگى.
ايتا كەتەيىك, اقمولا وبلىسىنىڭ 17 اۋدانى جانەەكى قالاسىنان 600-گە جۋىق سپورتشى 6 سپورت تۇرىنەن جارىسقا قاتىسۋدا. بۇعان دەيىن سپورتاكيادا باعدارلاماسىنا ساي 3 سپورت تۇرىنەن جارىستار وتكەن ەدى. ايتا كەتەيىك, 2019 جىلدىڭ قورىتىندىسى بويىنشا اقمولا وبلىسىندا شاڭعى جارىسىمەن 5 مىڭنان استام ادام اينالىسادى.