Qazaq kuresi قاۋىمداستىعىنىڭ پرەزيدەنتى كارىم ءماسىموۆ الداعى وقۋ جىلى نۇر-سۇلتان قالاسىنداعى 5 مەكتەپ باعدارلاماسىنا قازاق كۇرەسى ءۆارياتيۆتى نەگىزدە ەنگىزىلەتىنىن ايتتى.
ء«بىز قازاق كۇرەسى تاريحىنىڭ جاڭا پاراعىن اشۋ ءۇشىن جينالىپ وتىرمىز. بۇعان دەيىن قازاقستاندا قازاقشا كۇرەس فەدەراتسياسى قۇرىلعان بولاتىن. ەلىمىزدە رەسپۋبليكالىق جارىستار, حالىقارالىق كەزدەسۋلەر وتكىزىلۋدە. ءبىز قازاق كۇرەسىن وليمپيادا قاتارىنا كىرگىزۋدى ماقسات ەتىپ وتىرمىز, سول سەبەپتى قازاقستان بارىسى, قازاقشا كۇرەس ۇيىمدارىن بىرىكتىرەتىن Qazaq kuresi اسسوتسياتسيا قۇرىلدى», - دەدى كارىم ءماسىموۆ.
سونداي-اق ول ۇلتتىق كۇرەستىڭ بەينەسى الەمدىك دەڭگەيدە قالىپتاسىپ ۇلگەرگەنىن ايتتى.
«ازيا, ەۋروپا, الەم چەمپيوناتتارى تۇراقتى تۇردە وتكىزىلۋدە. وسى رەتتە رەسپۋبليكالىق فەدەراتسيا تاراپىنان قازاق كۇرەسىن مەكتەپ باعدارلاماسىنا ەنگىزۋ جۇمىستارى باستالدى. الداعى وقۋ جىلى نۇر-سۇلتان قالاسىنداعى 5 مەكتەپتە ءۆارياتيۆتى نەگىزدە ەنگىزىلەدى. بۇل ۇلتتىق كۇرەستىڭ باعىندىرعان ءبىر بەلەسى», - دەدى كارىم ءماسىموۆ.