باياناۋىل اۋدانى اكىمدىگىنىڭ مالىمەتىنشە, بيىل 13 اۋىلدىق اۋماقتا 51 ەسەپتىك كەزدەسۋ ءوتىپ, بارلىعى 65 ۇسىنىس پەن ەسكەرتۋ ايتىلعان.
بۇلار-اۋىلدارعا ينتەرنەت جەلىسى, بايلانىس جۇيەسىن تارتۋ, تازا اۋىز سۋ, جولداردى سالۋ جانە جوندەۋ, ءبىلىم, مادەنيەت, دەنساۋلىق ساقتاۋ نىساندارىن سالۋ, جوندەۋ, كورىكتەندىرۋ, سانيتارلىق جانە ەكولوگيالىق جاعداي ماسەلەلەرى.
بىلتىر 86 قابىلداۋ وتكىزىلىپ, 301 تۇرعىناۋىل ماسەلەلەرىن ايتۋعا كەلگەن. اتاۋلى الەۋمەتتىك كومەك الۋ, جەر ماسەلەسى جانە جۇمىسقا ورنالاسۋ, تۇرعىن ءۇي سەكىلدى ماسەلەلەردى ارقاۋ ەتكەن 178 سۇراق تۇسىندىرىلگەن. ال, 123 ماسەلە وڭ شەشىلگەن.
اۋدانداعى اتاۋلى الەۋمەتتىك كومەك الاتىن از قامتىلعان 130 وتباسىندا 1-دەن 6 جاسقا دەيىنگى 128 بالا بار.
ۇكىمەت تاراپىنان ارنايى الەۋمەتتىك پاكەت بەرىلەدى. ول بويىنشا ازىق-ت ۇلىك جيىنتىعى ايىنا ءبىر رەت, تۇرمىستىق حيميا زاتتارى توقسانىنا ءبىر رەت بەرىلەدى. الەۋمەتتىك پاكەت ءار بالاعا جەكە-جەكە ۇسىنىلادى.
از قامتاماسىز ەتىلگەن, كوپ بالالى وتباسىلارعا كورسەتىلەتىن كومەكتىڭ ءبىر ءتۇرى – تازا اۋىز سۋ قۇبىرىن ۇيگە دەيىن تەگىن تارتىپ بەرۋ.
مايقايىڭ كەنتى مەن باياناۋىل اۋىلىندا كوپ بالالى 12 وتباسىعا جالدامالى پاتەر بەرىلدى. كوپ بالالى 1 وتباسى «ديپلوممەن – اۋىلعا!» باعدارلاماسىمەن اۋدان ورتالىعىندا باسپاناعا يە بولدى.
كوپ بالالى از قامتىلعان 2 وتباسىعا بىرلىك جانە كۇركەلى اۋىلىنان جەرگىلىكتى بيۋدجەت ەسەبىنەن جالپى 6 ميلليون تەڭگەگە تۇرعىن ءۇي ساتىپ الىندى. مەملەكەتتىك «باقىتتى وتباسى» باعدارلاماسى بويىنشا 7 وتباسى باسپانالى بولدى. «باقىتتى وتباسى» باعدارلاماسىنا قۇجاتتار جيناۋ بيىل دا جالعاسپاق. اۋداندا باعدارلاما ارقىلى باسپانالى بولۋعا نيەتتى 50 وتباسى ءوتىنىش بەرگەن ەكەن.
اۋداندىق اكىمدىك پەن مەردىگەر «كازسترويسەرۆيس7» جشس مەن اراداعى كەلىسىم بويىنشا, 59 از قامتاماسىز ەتىلگەن, كوپ بالالى, مۇمكىندىگى شەكتەۋلى جانە اۋداننىڭ قۇرمەتتى ازاماتتارىنىڭ ۇيلەرىنە سۋ قۇبىرىن تەگىن تارتۋ كوزدەلگەن. قازىرگى ۋاقىتتا 10 ۇيگە سۋ قۇبىرى تەگىن ەنگىزىلدى.
اۋدان بويىنشا 22 كوپ بالالى, از قامتاماسىز ەتىلگەن وتباسىلارىنا باسپانا بەرىلگەن.
بيىلعى وقۋ جىلىندا بالاباقشالار مەن شاعىن ورتالىقتارعا 132 بالا تەگىن قابىلدانىپتى. اۋدانداعى 26 مەكتەپتەگى 2804 وقۋشى تەگىن تاماقتانادى.