ۇلتتىق قاۋىپسىزدىك كوميتەتى اقتاۋ حالىقارالىق اۋەجايىندا يراننان «گەروين» ەسىرتكى زاتىنىڭ كونترابانداسىن ۇيىمداستىرۋ فاكتىسى بويىنشا قازاقستاننىڭ ءۇش ازاماتىن ۇستادى.
جەدەل-ىزدەستىرۋ ءىس-شارالارىن جۇرگىزۋ ناتيجەسىندە ولار ەسىرتكىنى اسقازانىنا سالىپ تاسىمالداعان. ياعني, ولاردىڭ ىشكى قۇرىلىسىنان 302 گەروين كاپسۋلاسى تابىلىپ, الىنعان ەسىرتكى ەلەمەنتتەرىنىڭ قۇنى 50 ميلليون تەڭگەنى قۇرايدى. ولاردىڭ جالپى سالماعى شامامەن 1 كگ (5 000 بىرجولعى مولشەرلەمەگە بارا-بار) قۇرادى.
اتالعان فاكت بويىنشا قر قك 297-بابىنىڭ 3-بولىگى, 286-بابى 2-بولىگىنىڭ 4-تارماعى مەن 4-بولىگى بويىنشا قىلمىستىق ءىس قوزعالدى. ۇستالعان ادامدار تەرگەۋ يزولياتورىنا قامالىپ, سوتقا دەيىنگى تەرگەۋ جالعاسۋدا.
ماڭعىستاۋ وبلىسى