ەلباسىنىڭ تاپسىرمالارىن جۇزەگە اسىرۋ اياسىندا ينتەرنەت-كەڭىستىگىنە تۇراقتى تۇردە مونيتورينگ جۇرگىزىلۋدە. مونيتورينگ كەزىندە جىل باسىنان بەرى ەسىرتكى قۇرالدارى مەن ەسىرتكى تۇرلەرىن جارنامالاۋمەن جانە ساتۋمەن اينالىساتىن 24 سايت انىقتالىپ, ولاردىڭ بارلىعى بۇعاتتالعان. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
مۇنداي سايتتاردى قۇرۋ ەسىرتكى قۇرالدارىن ناسيحاتتاۋ جانە زاڭسىز جارنامالاۋ رەتىندە سارالانادى. بۇل ءۇشىن قر اقبتك-ءنىڭ 423-بابى بويىنشا جاۋاپكەرشىلىك قاراستىرىلعان, ول بويىنشا ايىپپۇل 150-دەن 700 اەك-كە دەيىن, ياعني 378 750-دەن 1 767 500 تەڭگەگە دەيىن.
ەسىرتكىنى تاراتۋمەن اينالىساتىن ادامدارعا كەلەتىن بولساق, ولاردى 291-باپ بويىنشا ەسىرتكىنى تاراتۋمەن اينالىسقانى ءۇشىن قىلمىستىق جاۋاپكەرشىلىككە تارتادى.
ماڭعىستاۋ وبلىسى پد جەرگىلىكتى پوليتسيا قىزمەتى باسقارماسىمەن قالانىڭ قوعامدىق ورىندارىندا 8 گراففيتي جازۋلار تابىلىپ, جويىلدى .
قاراپايىم تۇرعىندار بۇل ەسىرتكى جارناماسى ەكەنىن بايقامايدى. ەسىرتكى تۇتىنۋشىلار ىسىنەن حاباردار, ولار ءار ءتۇرلى مەسسەندجەرلەر ارقىلى ەسىرتكى ساتىپ الۋعا تىرىسادى.
پوليتسەيلەر تاراپىنان تۇرعىندارعا ەسىرتكى قىلمىسىمەن كۇرەستە بەلسەندىلىك تانىتىپ, وزدەرىنە بەلگىلى بولعان بارلىق قىلمىس فاكتىلەرى تۋرالى ەسىرتكى قىلمىسىمەن كۇرەس جونىندەگى باسقارماعا حابارلاسۋ قاجەتتىگى ايتىلدى.
ماڭعىستاۋ وبلىسى