ەلىمىزدىڭ باتىسىندا شاڭعىشى اسكەري قىزمەتشىلەر اراسىندا «پاترۋلدىك جارىس» ءوتتى. جارىس اقتوبە تاۋ شاڭعىسى بازاسىندا ۇيىمداستىرىلدى. وعان اقتوبە, اقتاۋ, اتىراۋ جانە ورال گارنيزوندارىنىڭ بەس اسكەري ءبولىمىنىڭ كوماندالارى قاتىستى. بۇل تۋرالى اتالعان قولباسشىلىقتىڭ ءباسپاسوز قىزمەتى حابارلادى.
اتالمىش جارىس «باتىس» وڭىرلىك قولباسشىلىعى اسكەرلەرى قولباسشىسىنىڭ كۋبوگى ءۇشىن جانە ناۋرىز ايىنىڭ باسىندا ششۋچينسك قالاسىنداعى ۇلتتىق شاڭعى ورتالىعىندا وتەتىن قارۋلى كۇشتەردىڭ چەمپيوناتىنا ىرىكتەۋ اياسىندا وتكىزىلدى.
50-دەن استام اسكەري شاڭعىشىلار ون شاقىرىمدا, ال 5 ايەل اسكەري قىزمەتشى بەس شاقىرىمدىق ارا قاشىقتىقتا سىنعا ءتۇستى. جارىس جولىنا قىزمەتشىلەر اسكەري كيىم ۇلگىسىندە شىقتى.
شاڭعى جاتتىعۋى - اسكەري قىزمەتكەرلەردىڭ دايارلىعىنداعى مىندەتتى ەلەمەنتتەردىڭ ءبىرى. شاڭعى تەبۋ – قىسقى ۋاقىتتاعى كولىكتىڭ ەڭ سەنىمدى قۇرالى, سونىمەن قاتار شاڭعىمەن قوزعالۋ بارىسىندا تاپسىرمانى ورىنداۋ جىلدامدىعى بىرنەشە ەسە ارتادى. شاڭعى جاتتىعۋلارىنداعى ساباقتار موتورلى جانە اسكەري-قولدانبالى داعدىلاردى قالىپتاستىرۋعا جانە جەتىلدىرۋگە, توزىمدىلىكتى دامىتۋعا, دەنە كۇشىنىڭ جوعارىلاۋى اياسىندا كۇشتى ارتتىرۋعا باعىتتالعان, - دەيدى «باتىس» قولباسشىلىعىنىڭ دەنە شىنىقتىرۋ ءبولىمىنىڭ باستىعى مايور مەدەت ق ۇلىبەكوۆ. ونىڭ ايتۋىنشا, ءتىپتى اتىراۋ مەن اقتاۋ گارنيزوندارى سياقتى شاڭعى تەبۋ ءۇشىن قولايسىز ايماقتا شاڭعىشىلار مەن اسكەري قىزمەتشىلەردىڭ سانى جىل سايىن ارتىپ كەلەدى.
قيىن كۇرەستە شاڭعىشىلار اراسىندا ءبىرىنشى ورىندى اقتاۋلىق لەيتەنانت شولپان قوجاقۇلوۆا يەلەندى, ال سەرجانت ايناگۇل قۇسماعانبەتوۆا مەن اقتوبەلىك بالنازيا سامەكوۆا وعان از عانا ۇتىلىپ قالدى.
ەرلەر اراسىندا ءبىرىنشى ون شاقىرىمدىق قاشىقتىقتا بەينەۋدەن كەلگەن اسكەري قىزمەتشى ەلجان كامبالوۆ, ەكىنشى ورىندى اقتوبەلىك سەرجانت تالعات كەنجەگارين, ءۇشىنشى ورىندى اعا لەيتەنانت نيكولاي سەمەرەنكو الدى.
كوماندالىق ەسەپتە اتىراۋ قۇراماسى ءۇشىنشى ساتىعا, اقتاۋ شاڭعىشىلارى ەكىنشى ساتىعا كوتەرىلدى, ال اقتوبە شاڭعىشىلارى ءبىرىنشى ورىنعا يە بولىپ, «باتىس» وڭىرلىك قولباسشىلىعىنىڭ كوماندالىق كۋبوگىن جەڭىپ الدى.
ماڭعىستاۋ وبلىسى