2020 جىلدىڭ الداعى سۋ باسۋ مەزگىلىنە دايىندىق ماقساتىندا اقتاۋ قالاسى اۋماعىندا ەلدى مەكەندەردىڭ قاۋىپسىزدىگىن الدىن الۋدا «اۋلا اۋماعى ىشىندە جاڭبىر سۋىنىڭ باسىپ كەتۋىنەن بولعان توتەنشە جاعدايلاردى جويۋ» تاقىرىبىندا ارنايى تاكتيكالىق جاتتىعۋ وتكىزىلدى. بۇل تۋرالى ماڭعىستاۋ وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.
جاتتىعۋ جوسپارى بويىنشا 31ب شاعىن اۋدانىنداعى 14 ءۇيدىڭ اۋماعىندا اۋلادا سۋ باسقاندىعى تۋرالى ءوتىنىش ءتۇستى.
سودان كەيىن بريگادا تج جويۋ ءۇشىن سۋ باسۋ ورنىنا كەتتى. «قالا جولدارى» جشس باسشىلارى توتەنشە جاعدايلار تۋرالى اقتاۋ قالاسىنىڭ توتەنشە جاعدايلار باسقارماسىنىڭ باستىعى, ازاماتتىق قورعاۋ پودپولكوۆنيگى ا. يسكاكوۆقا اۋلا اۋماعىنىڭ سۋ باسۋ جاعدايى بويىنشا حابارلايدى.
سۋ باسۋ ورنىنا 8 تەحنيكاسى بار شۇعىل جانە 35 ادامنان قۇرالعان بريگادا جىبەرىلدى.
شۇعىل توپ 7 موتوپومپامەن جانە 3 اسسەنيزاتورمەن سۋدى سورۋمەن اينالىستى. اۋلا سۋ باسۋ جاعدايىن ۋشىقتىرماۋ ءۇشىن ينەرتتى ماتەريالدارمەن قورشادى, سونىمەن قاتار قورشاۋدىڭ تيىمدىلىگىن ارتتىرۋ ماقساتىندا قۇم توسەلدى. سۋ باسۋ ورنىنا جەدەل جاردەم, امو, جانە جەرگىلىكتى پوليتسيا قىزمەتى جۇمىلدىرىلدى.
ماڭعىستاۋ وبلىسى