اۋە قورعانىسى كۇشتەرى اسكەري ينستيتۋتىنىڭ وتىز شاقتى ۇشقىشتارى قىسقى جاعدايدا اۆتونومدى تۇردە ءتىرى قالۋ كۋرسىن ءوتتى. ساباقتى اۋە قورعانىسى كۇشتەرى اسكەري ينستيتۋتى باستىعىنىڭ (جاۋىنگەرلىك دايارلىق جونىندەگى) ورىنباسارى پولكوۆنيك اسقار يزباسوۆ باسقاردى. بۇل تۋرالى اۋە قورعانىسى كۇشتەرى اسكەري ينستيتۋتىنىڭ ءباسپاسوز قىزمەتى حابارلادى.
ۇشقىشتار ءۇشىن ءتىرى قالۋ تاجىريبەسى – قاجەتتى جاعداي. ەكيپاج كومانديرى جانە كوماندا اۋە كەمەسىن اپاتتىق تۇردە نەمەسە قاجەت بولعان جاعدايدا تاستاپ كەتۋ كەزىندە تانىس ەمەس جەرگىلىكتى جەردە باعدارلاي ءبىلۋ, قولدا بار قۇرالداردان ۋاقىتشا قورعاناتىن پانا جاساي ءبىلۋ, وت, تاماق تابا ءبىلۋ, سۋدى جىلىتۋ جانە جاراقاتتانعان ەكيپاج مۇشەلەرىنە العاشقى كومەك كورسەتە ءبىلۋى قاجەت.
- بوريس پولەۆوي ءتىرى قالۋدىڭ تاڭقالارلىقتاي ۇلگىسىن «پوۆەست و ناستوياششەم چەلوۆەكە» كىتابىندا بەينەلەگەن. باستى كەيىپكەردىڭ ءپروتوتيپى اڭىز ۇشقىش-جويعىش, كەڭەس وداعىنىڭ باتىرى الەكسەي مارەسەۆ - بارلىق ۇشقىشتار ءۇشىن باتىرلىق پەن توزىمدىلىكتىڭ ۇلگىسى بولىپ تابىلادى. ۇلى وتان سوعىسى كەزىندە ول جاۋىنگەرلىك تاپسىرما ورىنداۋ بارىسىندا اتىپ تۇسىرىلگەن ياك-1 ۇشاعىن جاۋ اۋماعىنان الىپ شىققان جانە ورماندا ءماجبۇرلى تۇردە قونۋ كەزىندە 30 مەترلىك بيىكتىكتەن قۇلاعان. الەكسەي مارەسەۆ ەكى اياعىنىڭ سىنىعىمەن 18 كۇن بويى جاقىن ماڭداعى ەلدى مەكەنگە كۇن بويىنشا باعدارلاپ, قولدا بار ازىقپەن قورەقتەنىپ جەتكەن. اڭىز ۇشقىشتىڭ ومىرىنە كۇش-جىگەرى مەن ءاربىر جاس ۇشقىش مەڭگەرۋى ءتيىس ءتىرى قالۋ ادىستەرى كومەكتەستى, دەدى پولكوۆنيك اسكار يزباسوۆ.
ساباق جەتەكشىسىنىڭ ايتۋىنشا, اۋە كەمەسىنىڭ اقاۋىن بايقاعاندا ەڭ باستىسى دۇرلىكپەۋ قاجەت. ەكيپاج اۋەدە بولعاندا اپاتقا ۇشىراعانى, كوورديناتتارى, كۋرسى, بيىكتىگى جانە جىلدامدىعى تۋرالى سيگنال بەرەدى. وسى مالىمەتتەر بويىنشا اۋە كەمەسىنىڭ قۇلايتىن بولجامدى ورنىن انىقتايدى, بۇل ىزدەستىرۋ-قۇتقارۋ كومانداسىنىڭ تاپسىرماسىن جەڭىلدەتەدى. ۇشاقتى (تىكۇشاقتى) تاستاپ كەتەردە ەكيپاج مۇشەلەرى ءبىر-بىرىنە كوزبەن شولۋ ارقىلى ۇنەمى باقىلاۋ جۇرگىزەدى. جەرگە تۇسكەننەن كەيىن بىرگە جينالىپ, ءتۇتىندى باعدارعا الىپ اپات ورنىنا بارادى. اۋە كەمەسىنىڭ جانىندا مىندەتتەرىن بولەدى, جەردى شولىپ شىعادى.
ۇشقىشتىڭ اۆتونومدىق جاعدايدا ءتىرى قالۋىنا كومەكتەسەتىن بارلىق قولاستىنداعى قۇرىلعىلار تاسيتىن اپاتتىق قوردا (تاق) بار. وعان كەسەتىن قۇرال, العاشقى كومەك قوبديشا, تاماقتانۋدىڭ جەكە راتسيونى, سونىمەن قاتار كومپاس, سىرىڭكە, تۇششىلاندىراتىن دارىلەر جانە ت.ب. كىرەدى. تاسيتىن اپاتتىق قور بىرنەشە تاۋلىككە جەتەدى.
ءتىرى قالۋ بويىنشا ساباقتاردا نۇسقاۋشىلار جاس ۇشقىشتاردى تاجىريبە جۇزىندە ىدىسسىز سۋدى قالاي قايناتۋ كەرەكتىگىن, ونى ءدارىنىڭ كومەگىمەن تۇشىتۋ, قاردان, مۇزدان جانە پاراشيۋتتىك كۋپولدان جەكە قورعانۋ پاناسىن قۇراستىرۋدى ۇيرەتتى, جابايى اڭداردى اۋلاۋعا ارنالعان قۇرىلعىلار ءۇشىن تۇزاق ءورۋدى, العاشقى كومەك كورسەتۋ جانە سىنۋ, ءسىڭىردىڭ سوزىلۋى جانە باسقا دا جاراقاتتار كەزىندە تاسىمالداۋدى كورسەتتى.
باتىس ءوڭىرىنىڭ كليماتتىق جاعدايلارىن ەسكەرە وتىرىپ, ەڭ ماڭىزدى داعدىسى بولىپ جەرگىلىكتى مەكەندى باعدارلاي ءبىلۋ تابىلادى. وسى تاقىرىپتا ءدارىستى اقك اسكەري ينستيتۋتى اۆياتسيالىق وقۋ-جاتتىعۋ ورتالىعى اۆياتسيالىق ەسكادريليا اۆياتسيالىق بۋىننىڭ (تىكۇشاقتاردا) اعا ۇشقىشى - نۇسقاۋشىسى – شتۋرمانى مايور تالعات كۋلجانوۆ وقىدى. ول اقتوبە وبلىسىنىڭ ەرەكشە تابيعي قۇبىلىستارى تۋرالى, جەلدىڭ باعىتتارى مەن تەمپەراتۋرانىڭ كۇرت وزگەرۋى تۋرالى, اۋە ماسساسى باعىتتارىنىڭ وزگەرۋى تۋرالى ايتىپ بەردى. تابيعي قۇبىلىستار, حالىقتىق ىرىمدار نەمەسە اسپان جارىعى بويىنشا جەر بەتىنىڭ بولىكتەرىن قالاي انىقتاۋ كەرەكتىگىن ايتىپ, ساباقتىڭ سوڭىندا مايور تالعات كۋلجانوۆ ۇيرەنۋشىلەرگە قاراپايىم ينەدەن كومپاس جاساۋ لايفحاك كورسەتتى.
بارلىق ساباقتار ەسكادريليالار اراسىنداعى جارىس تۇرىندە ءوتتى. باعالاۋ بارىسىندا مەڭگەرۋ تەرەڭدىگى مەن تاجىريبەلىك تاپسىرمالاردى ورىنداۋ ساپاسى ەسكەرىلدى. ەڭ قىزىقتىسى جاراقاتتانعان ادامدى تاسىمالداۋ, وعان العاشقى مەديتسينالىق كومەك كورسەتۋ جانە قولدا بار قۇرالداردان زەمبىل جاساۋ, قاردان جانە پاراشيۋتتىك كۋپولدان قىسقى پانانىڭ قۇرىلىسى بولدى.
اۋە قورعانىسى كۇشتەرى اسكەري ينستيتۋتىندا ءتىرى قالۋ بويىنشا ساباقتار جىل سايىن وتكىزىلەدى, بىراق ءتىرى قالۋ بويىنشا بىلىمدەر مەن تاسىلدەر ارتىق ەتپەيدى. بۇل تاقىرىپ اۆياتسيالىق ماماندار ءۇشىن ءار كەزدە وزەكتى بولىپ قالادى.