جاپونيادا Diamond Princess لاينەرىنىڭ ەكى جولاۋشىسى كوروناۆيرۋستان كوز جۇمدى. بۇل تۋرالى bbc.com حابارلادى.
بۇگىن جاپونيا بيلىگى كەمەدە بولعان ەكى جولاۋشى قايتىس بولدى دەپ حابارلادى.
ولاردىڭ ايتۋىنشا, 84 جاستاعى ايەل جانە 87 جاستاعى ەر ادام كوروناۆيرۋستان كوز جۇمعان. ەكەۋى دە جاپونيا ازاماتتارى.
كارانتين باستالعان كەزدە كەمەدە 3700 جولاۋشى مەن ەكيپاج مۇشەلەرى بولعان. جاپونيا بيلىگىنىڭ ايتۋىنشا, اۋرۋدىڭ العاشقى بەلگىلەرى گونكونگ جاعالاۋىنداعى جولاۋشىدان تاراۋى مۇمكىن دەگەن مالىمەتتەر بار.
سونىمەن قاتار بۇگىن قىتاي بيلىگى كوروناۆيرۋسقا شالدىققاندار مەن قايتىس بولعاندار تۋرالى جاڭا مالىمەتتەردى جاريالادى. قايتىس بولعاندار سانى 2112-گە جەتتى, الدىڭعى كۇنمەن سالىستىرعاندا 108-گە ارتتى.
انىقتالعان جاعدايلاردىڭ جالپى سانى 74 مىڭنان اسىپ كەتتى, سوڭعى ءبىر كۇندە قىتايدا بارلىعى 628 جاعداي تىركەلگەن ەكەن.