وبلىس اكىمىنىڭ ورىنباسارلارى, دەپارتامەنت, باسقارما باسشىلارى, قالا اكىمىنىڭ ورىنباسارى, اۋدان باسشىلارى قاتىسقان جيىندا اقتوبە وبلىسىنىڭ تۇتىنۋشىلار قۇقىعىن قورعاۋ دەپارتامەنتىنىڭ باسشىسى جۇمامۇرات الداشەۆ «تۇتىنۋشىلاردىڭ قۇقىقتارىن قورعاۋ تۋرالى» قازاقستان رەسپۋبليكاسىنىڭ زاڭى جوباسىنىڭ تانىستىرىلىمىن جاسادى.
جۇمامۇرات الداشەۆتىڭ مالىمەتىنشە, تۇتىنۋشىلاردىڭ قۇقىقتارىن قورعاۋدىڭ ۇلتتىق جۇيەسى بارلىق مەملەكەتتىك ورگاندار مەن 208 ۇكىمەتتىك ەمەس ۇيىمداردىڭ جۇمىسىن قامتيدى. حالىقتىڭ باسىم بولىگى تۇتىنۋشىلاردىڭ قۇقىقتارىن قورعاۋ جۇيەسىنە سەنىمى ءالسىز.
الەۋمەتتىك ساۋالناماعا قاتىسقانداردىڭ 87% - ى قۇقىقتارى مەن زاڭدى مۇددەلەرىن بۇزۋ فاكتىسىن راستايدى, بۇل رەتتە 29% - ىڭ جىلىنا 7 رەتتەن استام قۇقىعى بۇزىلعان. 2018 جىلى حالىق اراسىنداعى ساۋالناماعا سايكەس مەملەكەتتىك ورگاندارعا دەگەن سەنىم دەڭگەيى 51% - عا تومەندەگەن.
تۇتىنۋشىلاردىڭ 64% ءوز قۇقىقتارىن قورعالماعاندىعىن ايتقان. وسىعان بايلانىستى تۇتىنۋشىلاردىڭ قۇقىقتارىن قورعاۋدىڭ نەگىزگى پروبلەمالارىنا تۇتىنۋشىلاردىڭ ساۋاتسىزدىعى, تۇتىنۋشىلاردىڭ قاراپايىم قۇقىقتارىن بۇزعانى ءۇشىن كاسىپكەرلەردىڭ جازاسىزدىعى سىندى ت.ب سەبەپ. «اقتوبە وبلىسىندا تۇتىنۋشىلاردىڭ قۇقىعىن قورعاۋ بويىنشا جان-جاقتى جۇمىستار اتقارىلۋدا. جاقىندا عانا وبلىس اكىمدىگىنىڭ قولداۋىممەن سالاارالىق جۇمىس توبى قۇرىلدى. ولار تۇتىنۋشىلاردىڭ قۇقىعىن قورعاۋ,ساۋاتتىلىعىن ارتتىرۋ جۇمىستارىمەن اينالىسادى», دەپ اتاپ ءوتتى وڭداسىن ورازالين.
دەپارتامەنت باسشىسى وسى تۇستا سالارارالىق جۇمىس توبى وبلىس اكىمىنىڭ قولداۋىمەن ەلىمىز بويىنشا العاش بولىپ جۇزەگە اسىرىلىپ وتىرعاندىعىن جەتكىزدى. سونىمەن قاتار وبلىس اكىمى اۋدانداردا تۇتىنۋشىلاردىڭ قۇقىعىن قورعاۋ ينستيتۋتتارىن اشۋ قاجەتتىگى جايلى ۇسىنىسقا قولداۋ ءبىلدىردى. اتالعان ماسەلەگە قاتىستى اۋدان اكىمدەرىنە بىرقاتار تاپسىرمالار جۇكتەدى.