تۇركىستان وبلىسىنىڭ مەملەكەتتىك ساۋلەت-قۇرىلىس باقىلاۋى باسقارماسى وتكەن جىلى زاڭ تالاپتارىن ساقتاماي سالىنعان 69 بيۋدجەتتىك جانە 144 جەكە كاسىپكەرلىك, بارلىعى – 213 قۇرىلىس نىساندارىنا تەكسەرۋ جۇرگىزگەن. انىقتالعان زاڭ بۇزۋشىلىقتار نەگىزىندە شارالار كورىلىپ, حاتتامالار تولتىرىلعان جانە جالپى سومماسى – 62 149 861,5 تەڭگە اكىمشىلىك ايىپپۇل سالىنعان.
وڭىرلىك كوممۋنيكاتسيالار قىزمەتىندە وتكەن بريفينگتە باسقارما باسشىسى مۇحيت تۇرىسبەكوۆ, سونداي-اق ليتسەنزيا الۋعا, قايتا تىركەۋگە قاتىستى بارلىعى 665-ءوتىنىش قابىلدانعانىن ءمالىم ەتتى. وتكەن جىلى 752 نىساننىڭ قۇرىلىس-مونتاجداۋ جۇمىستارىن باستاۋعا حابارلامالار تىركەلگەن. ونىڭ ىشىندە بيۋدجەت قاراجاتى ەسەبىنەن - 445, جەكە كاسىپكەرلىك قاراجاتى ەسەبىنەن 307 نىسان سالىنۋدا. وڭىردەگى قۇرىلىستاردىڭ ساپاسىنا باقىلاۋ جاسايتىن باسقارما, اسىرەسە, وبلىس ورتالىعى تۇركىستان قالاسىنداعى بارلىق جاڭا عيماراتتاردىڭ قۇرىلىس نورمالارىنا ساي بولۋىن قاداعالاۋدا. جالپى باسقارما تاراپىنان 5 مەملەكەتتىك كىزمەت كورسەتىلەدى. بۇل قىزمەتتەر 2019 جىلدىڭ باسىنان بەرى 100% ەلەكتروندى تۇردە كورسەتىلۋدە. قازىرگى تاڭدا باسقارما تاراپىنان تۇركىستان قالاسىندا قۇرىلىس-مونتاجداۋ جۇمىستارى جۇرگىزىلىپ جاتقان 170 بيۋدجەتتىك نىساننىڭ, ياعني 85 كوپقاباتتى تۇرعىن ۇيلەردىڭ, 56 الەۋمەتتىك نىسان جانە 29 ينجەنەرلىك كوممۋنيكاتسيا جۇيەلەرىنىڭ قۇرىلىسى قاداعالانۋدا.