بيىل ماڭعىستاۋ وبلىسىندا رەسپۋبليكالىق ماڭىزى بار بىرنەشە اۆتوجول قايتا جاڭعىرتىلىپ, پايدالانۋعا بەرىلەدى. وبلىس اكىمى سەرىكباي ترۇموۆ ءوڭىر حالقىمەن ەسەپتىك كەزدەسۋىندە مەملەكەتتىك «نۇرلى جول» باعدارلاماسى اياسىندا ناتيجەلى جۇزەگە اسقان بىرقاتار ءىرى ينفراقۇرىلىمدىق جوبالاردى اتاپ ءوتتى, دەپ حابارلادى ماڭعىستاۋ وبلىسىنىڭ قوعامدىق كوممۋنيكاتسيا ورتالىعى.
اكىمنىڭ ايتۋىنشا, قازىرگى تاڭدا جالپى ۇزىندىعى 158 شاقىرىمدى قۇرايتىن رەسپۋبليكالىق ماڭىزداعى اۆتوكولىك جولدارىن قايتا جاڭارتۋ جۇمىستارى ءوز مەرزىمىنە سايكەس اياقتالىپ كەلەدى. اتاپ ايتساق, 85 شاقىرىمدىق «بەينەۋ-اقجىگىت-وزبەكستان شەكاراسى» تراسساسى مەن «جەتىباي-جاڭاوزەن» باعىتىنداعى 73 شاقىرىم جول جاڭاشا كەلبەتكە ەندى. جاڭعىرتۋ جۇمىستارى بيىل اياقتالادى.
-بۇدان باسقا, ۇزىندىعى 126 شاقىرىمنان استام «جىڭعىلدى - شايىر - شەرقالا جەرى» باعىتىنداعى اسفالت جولدىڭ جانە ەكىنشى كەزەڭدى قالپىنا كەلتىرۋ جۇمىستارى باستالعان «اتاجولى» اۆتوموبيل جولىن قايتا جاڭارتۋ قارقىندى جۇرگىزىلۋدە, دەدى ايماق باسشىسى.
ايتا كەتسەك, ماڭعىستاۋ وبلىسىنداعى اۆتوموبيل جولدارىنىڭ جالپى ۇزىندىعى 2 مىڭ 977 شاقىرىمدى قۇرايدى. ونىڭ 1049 شاقىرىمى رەسپۋبليكالىق ماڭىزدا, 1028,7 شاقىرىمى وبلىستىق, قالىپ تۇرعان 900 شاقىرىمداي جولدىڭ اۋداندىق ماڭىزى بار.
ەسەپتى كەزەڭدە اۆتوكولىكتىڭ بارلىق تۇرىندەگى جۇك اينالىمى بىلتىرعى جىلى 8,5 ملرد توننانى قۇرادى. بۇل 2018 جىلدىڭ قاڭتار-جەلتوقسان ايلارىنان 100 پايىز جوعارى كورسەتكىش.
جولاۋشىلار اينالىمىنىڭ كولەمى 4,7 ملرد كم قۇراپ, 0,8 پروتسەنتكە ارتىپ وتىر.
ماڭعىستاۋ وبلىسى