وتكەن جىلدىڭ قورىتىندىسىنا سايكەس ماڭعىستاۋ اۋدانىنىڭ الەۋمەتتىك-ەكونوميكالىق كورسەتكىشى جوعارى. 2019 جىلدىڭ اتقارىلعان جۇمىستارى تۋرالى اتالعان اۋداننىڭ اكىمى تىلەك كوشماعانبەتوۆ قورىتىندى ەسەپتىك كەزدەسۋىندە بايانداپ, تۇرعىنداردىڭ سۇراقتارىنا جاۋاپ بەردى, دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.
ءداستۇرلى جيىنعا ايماق باسشىسى سەرىكباي ترۇموۆ, بارلىق باسقارما باسشىلارى مەن اۋدان حالقى قاتىستى. اۋىل شارۋاشىلىعى دامىعان اۋداندا 36 ەگىن شارۋاشىلىعى, 389 مال شارۋاشىلىعى, 425 شارۋا قوجالىعى اتا كاسىپتىڭ ءناسىبىن كورىپ وتىر.
تاۋار وندىرۋشىلەرى وتكەن جىلى 3272 توننا ەت, 2754 توننا ءسۇت, 116 مىڭ دانا جۇمىرتقا ءوندىردى. مال ازىقتىق ءشوپ دايىنداۋ ءۇشىن 27000 تونناعا جوسپار جاسالىنىپ, 100% ورىندالدى.
جايىلىمدى سۋلاندىرۋ ماقساتىندا «اگروبيزنەس – 2020» باعدارلاماسى اياسىندا جاڭادان 8 قۇدىق قازىلدى.
اۋداندا ورتا جانە شاعىن كاسىپكەرلەر سانى 2321 ادامعا جەتىپ, 0,7% پايىزعا ءوستى. كاسىپكەرلىكتى دامىتۋ ماقساتىندا «اۋىل شارۋاشىلىعىن قارجىلاي قولداۋ قورى» اق ارقىلى «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ» «ەڭبەك» باعدارلاماسى بويىنشا 58 ادامعا 248 ملن تەڭگە نەسيە بەرىلدى.
«اۋىل – ەل بەسىگى» جوباسى اياسىندا دا ءبىرشاما جۇمىستار اتقارىلدى. ۇزىندىعى – 1,65 جانە 4,8 شاقىرىمدى قۇرايتىن سەلوىشىلىك كوشەلەردىڭ اۆتوكولىك جولدارىنا ورتاشا جوندەۋ جۇمىستارى اياقتالىپ, پايدالانۋعا بەرىلدى.