تۇپقاراعان اۋدانى حالقىنىڭ سانى جىل سايىن ارتىپ كەلەدى. بۇل تۋرالى اۋدان اكىمى ايبەك قوسۋاقوۆ ءوز ەسەپ بەرۋ كەزدەسۋىندە باياندادى دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.
32432 حالقى بار اۋداننىڭ بيىلعى كورسەتكىشى 9,7%-عا وسكەن. اۋدان بيۋدجەتىنىڭ 4,5 % الەۋمەتتىك سالاعا, 37% ءبىلىم بەرۋگە, 2% مادەنيەت پەن سپورتتى كوتەرۋگە, 25% ينفراقۇرىلىمدى دامىتۋ مەن كوممۋنالدىق قىزمەت سالاسىنا جۇمسالدى. نەگىزگى كاپيتالعا سالىنعان ينۆەستيتسيا كولەمى 56,7 ملرد تەڭگەنى قۇرادى.
-تۇپقاراعان اۋدانى وبلىستاعى مۇناي ءوندىرىسىنىڭ 23,2 پايىزىن ۇستاپ وتىر. وتكەن جىلى 4,1 ملن توننا شيكى مۇناي ءوندىرىلدى. ونەركاسىپ ونىمدەرىنىڭ قالعان تۇرلەرى تاس ءوندىرۋ, توك پەن سۋ شىعارۋ, ءونىم وڭدەۋ اۋدان ەكونوميكاسىنىڭ دامۋىنا اسا ءبىر ۇلكەن ۇلەس قوسىپ تۇرعان جوق. بۇل كوڭىل اۋدارارلىق جاعداي. كەلەشەكتە ونەركاسىپ ونىمدەرىن وندىرۋشىلەرمەن جەكە كەزدەسىپ, ماسەلەنى وڭعارتۋ جولىن قارايتىن بولامىز, - دەدى ايبەك قوسۋاقوۆ.
ەلدى-مەكەندەردە جەكە تۇرعىن ۇيلەر قۇرىلىسى ورىستەپ كەلەدى. اتاپ ايتساق اقشۇقىر جانە سايىن شاپاعاتوۆ اۋىلدارىندا قۇرىلىس جۇمىستارىنىڭ كولەمى 16,8 ملرد تەڭگەنى قۇراپ, 147%-عا ورىندالعان.
سونىمەن قاتار قازىرگى ۋاقىتتا اۋدان بويىنشا ءۇي كەزەگىندە 805 ادام تۇر. ازاماتتاردىڭ باسپاناعا سۇرانىسىن قاناعاتتاندىرۋ ءۇشىن 2019 جىلى فورت-شەۆچەنكو قالاسىنان 48 پاتەرلىك 1 تۇرعىن ءۇي, 16 پاتەرلىك 1 تۇرعىن ءۇي جانە 8 پاتەرلىك 2 تۇرعىن ءۇيدىڭ قۇرىلىستارى باستالعان. بيىلعى جىلى پايدالانۋعا بەرىلمەك.