ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى ەرجان قاراباەۆ ەسەپتى مەرزىمدە قارالعان قىلمىستىق ىستەردىڭ ستاتيستيكاسى تۋرالى بايانداپ, وڭىردە وڭىردە زورلاۋ (2019-13, 2018-5), ۇرلىق (2019-174, 2018-130), الاياقتىق (2019-105, 2018-90), قاراقشىلىق (2019-34, 2018-28) بويىنشا قىلمىستىق ىستەردىڭ كوبەيگەنىن اتاپ ءوتتى. بۇل تۋرالى ماڭعىستاۋ وبلىستىق سوتىنىڭ ءباسپاسوز قىزمەتى حابارلادى.
2019 جىلدىڭ 12 ايىندا اۋداندىق جانە وعان تەڭەستىرىلگەن سوتتاردا 2 037 قىلمىستىق ءىس 2 307 تۇلعاعا قاتىستى اياقتالعان, 1 537 ىسكە قاتىستى ۇكىم شىعارىلىپ سوتتالعان (2018 جىلدىڭ 12 ايىندا – 1929 قىلمىستىق ءىس ءتۇسىپ, 1874 قىلمىستىق ءىس 1921 ادام بويىنشا اياقتالعان). وتكەن جىلدىڭ كەزەڭىمەن سالىستىرعاندا 386 تۇلعا/163 ىسكە كوبەيگەن.
18 تۇلعا بويىنشا اقتاۋ ۇكىمى شىعارىلعان, (ونىڭ ىشىندە 14 تۇلعا جەكە ايىپتاۋ ىستەرى بويىنشا اقتالعان) (2018 جىلدىڭ 12 ايىندا – 23 تۇلعا اقتالسا, ونىڭ ىشىندە 11 تۇلعا جەكە ايىپتاۋ ىستەرى بويىنشا اقتالعان).
وبلىس سوتتارىندا مەدياتورلارمەن 261 (اياقتالعان ىستەردىڭ 12,8%) قىلمىستىق ءىس قارالىپ, سوتتالۋشىلار جابىرلەنۋشىلەرمەن تاتۋلاسۋىنا بايلانىستى قىلمىستىق ءىس وندىرىستەن قىسقارتىلعان (2018ج. 12 ايىندا –260 ءىس وندىرىستەن قىسقارتىلعان, مەدياتورمەن 178 ءىس, 68,4%) ياعني 83 ىسكە كوبەيگەن.
كەڭەس سوڭىندا سوت توراعالارىنا نۇسقاۋلىقتار مەن ەسكەرتۋلەر بەرىلىپ, قاتاڭ تالاپتار قويىلدى.