بۇل تۋرالى قوعامدىق كوممۋنيكاتسيا ورتالىعىندا كوممۋنالدىق قىزمەتتەردەگى تاريفتەردىڭ وزگەرىسى تالدانعان بريفينگتە ايتىلدى دەپ حابارلايدى ماڭعىستاۋ وبلىستىق قكو ءباسپاسوز قىزمەتى.
باق وكىلدەرى شاقىرىلعان شاراعا ۇەم تابيعي مونوپوليالاردى رەتتەۋ كوميتەتىنىڭ ماڭعىستاۋ وبلىستىق دەپارتامەنتى, وڭىرلىك ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ لاۋازىمدى تۇلعالارى مەن اقتاۋ قالاسى اكىمىنىڭ ورىنباسارى سەرىك گۋسمان قاتىستى.
ەلىمىزدە مەملەكەت باسشىسىنىڭ تاريف قۇرۋدا اشىقتىقتى قامتاماسىز ەتۋگە جانە تابيعي مونوپوليستەردىڭ تاۋارلارى مەن قىزمەتتەرىنە باعالار مەن ءتاريفتىڭ كوتەرىلۋىنە قارسى كۇرەستى كۇشەيتۋگە باعىتتالعان تاپسىرمالارىن ورىنداۋ جونىندەگى جول كارتاسى قۇرىلعانى ءمالىم.
- بۇل كارتادا 2020 جىلدىڭ 1 قاڭتارىنان باستاپ كوممۋنالدىق قىزمەتتەرگە تاريفتەردىڭ وزگەرۋىنە بايلانىستى تۇرعىندار اراسىندا تۇسىنىكتەمەلىك جۇمىستار جۇرگىزۋ» دەپ جازىلعان 30-شى تارماعىن ورىنداۋ ءۇشىن بريفينگ فورماتىندا تۇسىنىكتەمەلىك جۇمىستار جۇرگىزۋ تاپسىرىلعان. بۇگىنگى جيىن وسى تاپسىرمانىڭ نەگىزىندە ۇيىمداستىرىلىپ وتىر, - دەدى ۇەم تابيعي مونوپوليالاردى رەتتەۋ كوميتەتىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ مىندەتىن اتقارۋشى كەنجەبولات كوشەكباەۆ.
سونىمەن, بۇگىنگى تاڭدا ماڭعىستاۋ وبلىسىندا كوممۋنالدىق قىزمەتتەرگە تاريفتەر بۇرىنعى قالپىندا قالدى.
ەسىڭىزگە سالا كەتەيىك, وتكەن جىلدىڭ جەلتوقسانىندا «AllianceEnergoSnab-Akتاۋ» سەرىكتەستىگىنىڭ وڭىرلىك فيليالىنان اقتاۋ مەن مۇنايلى اۋداندارىندا ەلەكتر ەنەرگياسىنىڭ ءتاريفىن كوتەرۋ تۋرالى ءوتىنىش تۇسكەن ەدى. الايدا, بۇگىنگى تاڭدا تاريفتەر وزگەرگەن جوق.
- ەلەكتر ەنەرگياسىمەن قامتاماسىز ەتۋ باعاسىنىڭ وسۋىنە نەگىزدەمە 613 مىڭ 413 تەڭگە مەگاۆاتت 30,4%, 799 مىڭ 869 تەڭگە مەگاۆاتت قۇرادى. دەگەنمەن, بۇل حابارلامانى ەلىمىزدىڭ ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ ماڭعىستاۋ وبلىسى بويىنشا دەپارتامەنتىنە ۇسىنۋعا نەگىز بولدى, - دەيدى ماڭعىستاۋ وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى نۇرلان ورىنباساروۆ.
ەلەكترمەن جابدىقتاۋ قىزمەتىنە كاسىپورىننىڭ جوبالىق باعاسىنا جەكە-دارا توقتالىپ وتسەك: اقتاۋ قالاسى ءۇشىن ورتاشا تاريف - ءبىر كۆت/ساع ءۇشىن 18,71 تەڭگە (ققس-سىز); سونىڭ ىشىندە تۇرعىن ۇيلەردەگى تۇتىنۋشىلارى ءۇشىن توكتىڭ ءبىر كۆت/ساع 16,75 تەڭگە (ققس-سىز) قۇراپ وتىر.
ال مۇنايلى اۋدانىنا كەلسەك, تۇرعىن ءۇي تۇتىنۋشىلارى ءۇشىن ەنەرگيا ءبىر كۆت/ساع 15,15 تەڭگە (ققس-سىز), بيۋدجەتتىك ۇيىمدارعا ءبىر كۆت/ساع 28,79 تەڭگە (ققس-سىز), بيۋدجەتتىك مەكەمەلەرگە 28,79 تەڭگەدەن (ققس-سىز) بەرىلەدى.
وسى رەتتە ايتا كەتۋ كەرەك, بىلتىر جەلتوقساندا رەتتەلەتىن جىلۋ جانە سۋمەن جابدىقتاۋ قىزمەتتەرىنە تاريفتەر «ماەك-قازاتومونەركاسىپ» سەرىكتەستىگى جانە «وزەن جىلۋ» مەكەمەسى ءۇشىن بەكىتىلدى.
ماسەلەن, «ماەك-قازاتومونەركاسىپ» سەرىكتەستىگى جالپى ءۇيدى ەسەپكە الۋ اسپاپتارىن ورناتۋدىڭ تەحنيكالىق مۇمكىندىگى جوق جەردە, اپاتتىق جاعدايداعى كازارمالاردا تۇراتىن جانە تۇراتىن تۇتىنۋشىلار ءۇشىن جىلۋدىڭ ورتاشا ءتاريفىن 2392,37 توننا/گكال بەكىتتى.
وسىعان سايكەس زاڭدى كليەنتتەر ءۇشىن ورتاشا تاريف 4192,8, بيۋدجەتتىك ۇيىمدار ءۇشىن 4349,82 بولىپ كورسەتىلدى.
ال ىشەر سۋمەن جابدىقتاۋ بويىنشا ورتاشا تاريف 257,72 تەڭگە/م3 قۇراپ وتىر. ونىڭ ىشىندە تۇرعىندار ءۇشىن 199,88 تەڭگە/م3, زاڭدى تۇتىنۋشىلار ءۇشىن 306,5 تەڭگە/م3, بيۋدجەتتىك ۇيىمدار ءۇشىن 311,62 تەڭگە/م3.
ونەركاسىپتىك سۋمەن جابدىقتاۋداعى ورتاشا تاريف 118,98تەڭگە/م دەپ بەلگىلەنگەن. تۇرعىندار ءۇشىن 93,66 تەڭگە/م3, زاڭدى تۇتىنۋشىلار ءۇشىن 151,09 تەڭگە/م3, بيۋدجەتتىك ۇيىمدار ءۇشىن 153,71 تەڭگە/م3 قۇرايدى.
ىستىق سۋمەن جابدىقتاۋدا ورتاشا تاريف 196,52 تەڭگە/م3. تۇرعىندار ءۇشىن 180,14 تەڭگە/م3, زاڭدى تۇتىنۋشىلار ءۇشىن 238,25 تەڭگە/م3, بيۋدجەتتىك ۇيىمدار ءۇشىن 243,6 تەڭگە/م3 دەپ كورسەتىلدى.
«وزەن جىلۋ» مەكەمەسىنىڭ تاريفتەرنە كەلسەك: جىلۋ ەنەرگياسىن ءوندىرۋ جانە بەرۋ تۋرالى ورتاشا تاريف 2639,77. سونىڭ ىشىندە تۇرعىندارعا 2529,85, بيۋدجەتتىك ۇيىمدارعا 2766,71, تاعى باسقالارى ءۇشىن 2666.02 دەپ بەكىتىلگەن.
ماڭعىستاۋ وبلىسى