ادىلبەك قوزىباقوۆ نۇر-سۇلتان شاھارىندا ەكولوگيا, گەولوگيا جəنە تابيعي رەسۋرستار ءمينيسترى ماعزۇم مىرزاعاليەۆتىڭ توراعالىعىمەن وتكەن رەسپۋبليكالىق ءبىرىنشى ەكو-سلەتكە قاتىسقانى تۋرالى ايتىپ بەردى. وعان ەلىمىزدىڭ تۇپكىر-تۇپكىرىنەن كەلگەن قوعام بەلسەندىلەرى, ۆولونتەرلەر, مەملەكەتتىك قۇرىلىمدار مەن حالىقارالىق ۇيىم وكىلدەرى قاتىسقان بولاتىن. بۇل تۋرالى ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءباسپاسوز قىزمەتى حابارلادى.
ايتا كەتۋ كەرەك, حالىقتىڭ ەكولوگيالىق ساناسىن وزگەرتۋدە ازاماتتىق باستامالار مەن ۆولونتەرلەردىڭ ءرولىن ارتتىرۋعا باعىتتالعان.
ءوز كەزەگىندە باسقارما باسشىسى دۇيسەن قۇسبەكوۆ ايماقتا تابيعي ورتانى جاقسارتۋ باعىتىندا بىرقاتار وڭ وزگەرىستەردىڭ بارىن, سونىمەن بىرگە كەمشىلىكتەردىڭ دە جوق ەمەستىگىن تىلگە تيەك ەتتى. اتاپ ايتقاندا قاتتى-تۇرمىستىق قالدىقتار, پوليوونداردى ەكولوگيالىق جانە سانيتارلىق تالاپتارعا سايكەستەندىرۋ, جانۋارلار الەمى جانە وسىمدىكتەر دۇنيەسىن ساقتاۋ سالالارى. سونىمەن بىرگە تۇرعىنداردىڭ ەكولوگيالىق مادەنيەتىن كوتەرۋ جانە ۆولونتەرلەردىڭ قورشاعان ورتانى قورعاۋعا شارالارىنا كەڭىنەن تارتۋ قاجەتتى دە ايتىلدى.
ەكو-امباسسادور ادىلبەك قوزىباقوۆ, وڭىردەگى بىرلەسكەن ەكولوگيالىق جوبالاردىڭ جۇزەگە اسىرىلۋىنا سەرپىن بەرۋگە, ەكولوگيالىق بەلسەندى ازاماتتار, عالىمدار جانە ۇكىمەتتىك ەمەس ۇيىمداردىڭ مەملەكەتتىك ورگاندارمەن, اسىرەسە ەكولوگيا سالاسىنداعى باستامالار ۇنەمى كوڭىل ءبولىپ وتىرۋعا جانە ەكولوگيالىق احۋالدى جاقسارتۋعا باعىتتالعان بارلىق شارالاردىڭ باسى-قاسىندا جۇرۋگە دايىن ەكەندىگىن جەتكىزدى.
دۇيسەن قۇسبەكوۆ ەكو-امباسسادور ادىلبەك قوزىباقوۆقا الداعى جۇمىستارىنا ساتتىلىك تىلەي وتىرىپ, قاشاندا قويان-قولتىق جۇمىس جاساۋعا دايىن ەكەنىن ايتتى.
ءا.قوزىباقوۆ – تابيعاتقا جاناشىر ازامات جانە ۇكىمەتتىك ەمەس ۇيىمىنىڭ وكىلى رەتىندە ءوزىنىڭ ەكولوگيالىق بەلسەندىلىگىن 2003 جىلدان بەرى ءبىلدىرىپ ءجۇر. العاش رەت «ماڭعىستاۋ ەكولوگيالىق باستاماسى» قوعامدىق بىرلەستىگىن باسقارعان بولاتىن. 2004 جانە 2012 جىلدار ارالىعىندا «ماڭعىستاۋ تابيعاتى» قوعامدىق ۇيىمىنىڭ توراعاسى بولدى. 2012 مەن 2016 جىلدار ارالىعىندا «قولداۋ-ەكولوگيا» مامانداندىرىلعان ورتالىعىنا جەتەكشىلىك ەتتى. 2016 جىلدان قازاقستان بيوالۋانتۇرلىلىكتى ساقتاۋ اسسوتسياتسياسى ماڭعىستاۋ فيليالىنىڭ جەتەكشىسى.
ورمان شارۋاشىلىعى جانە جانۋارلار دۇنيەسى ايماقتىق ينسپەكتسياسى, وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى, «قىزىلساي تابيعي پاركى» مكك, وبلىستىق ەكولوگيا دەپارتامەنتى جانە ءۇستىرت مەملەكەتتىك تابيعي قورىعى سياقتى مەملەكەتتىك ورگاندارمەن تىعىز قارىم-قاتىناستا جۇمىس جاساپ كەلەدى.