ءبىلىم بەرۋ مەن سپورت سالاسىندا دا وڭ وزگەرىس بايقالادى. 2018 جىلى بۇل سالاعا 7,3 ملرد تەڭگە ءبولىنىپ, ناتيجەسىندە 10 مەكتەپتە ءىت-كابينەتى ىسكە قوسىلعان. بەينەۋ اۋدانى اكىمىنىڭ ەسەبىندە ايتىلدى. بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتى حابارلادى.
سونداي-اق وپورنىي ورتا مەكتەبىنىڭ مۇمكىندىگى شەكتەۋلى بالالارىنا ارنالعان قۇنى 2,5 ملن تەڭگە قۇرايتىن سەنسورلىق كابينەتپەن جابدىقتالىپ, سپورت مەكتەبىندە «مۇمكىندىگى شەكتەۋلى جاندارعا ارنالعان دەنە شىنىقتىرۋ كابينەتى» اشىلدى. مۇندا جاستار قول كۇرەسى, ۇستەل تەننيسى, توعىزقۇمالاق جانە شاحماتپەن دويبى ويىندارىن ويناپ بوس ۋاقىتتارىن ءتيىمدى وتكىزە الادى.
قازىرگى ۋاقىتتا اۋدانداعى 2 كوللەدجدە 1189 ستۋدەنت, 25 ءبىلىم بەرۋ ۇيىمىندا 18365 بالا وقىسا, 23 بالاباقشادا 2561 ءسابي تاربيەلەنۋدە. بۇل سالادا 5123 ادام ەڭبەك ەتەدى, ونىڭ 2735 پەداگوگ ماماندار. 1865 مۇعالىم ءبىلىم جەتىلدىرۋ كۋرستارىنان ءوتتى.