وتكەن جىلى وبلىستىق قان ورتالىعىنىڭ كوشپەلى بريگاداسى «دونور بول. ءومىر سىيلا», «دونور كۇنى», ء«اربىر دونور - باتىر» جانە تاعى باسقا دونور كۇنىنە ارنالعان شارالار وتكىزگەن. 2019 جىلى وبلىستىق قان ورتالىعىنا قان تاپسىرۋعا نيەت بىلدىرگەن سانى 8649 ادامدى قۇراعان. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسى ءباسپاسوز قىزمەتى حابارلادى.
ايتا كەتۋ كەرەك, قان ورتالىعى زاماناۋي جابدىقتارمەن قامتاماسىز ەتىلگەن. مەديتسينالىق مۇزداتقىش كامەرالارى, فارماتسەۆتيكالىق توڭازىتقىشتار, زەرتحانالىق جابدىق, كەپتىرگىش شكاف, تەرموستات, بۋ ستەريليزاتورى, زەرتحانا جيھازى, تاڭۋ ۇستەلدەرى جانە ت.ب. «ينفو-دونور» اتتى كومپيۋتەرلىك باعدارلاما جۇمىس جاساپ تۇر.
ماڭعىستاۋ وبلىسى قان ورتالىعى قان دايىنداۋ ءبولىمىنىڭ مەڭگەرۋشىسى گۇلنافيس كۋناشەۆا قان تاپسىرىپ تۇرۋ ادام اعزاسىنا پايدالى ەكەنىن ايتادى. اسىرەسە, قان-تامىرلار اۋرۋىنا شالدىقپاۋعا سەپتىگىن تيگىزەدى جانە قان قىسىمىن تومەندەتەدىن كورىنەدى. جالپى قان ورتالىعىنا ۇنەمى دونور قاجەت ەكەندىگىن ءبىرى بىلسە, ەندى ءبىرى بىلە بەرمەيدى. بۇل رەتتە ماماندار ءاربىر ازاماتتى قان تاپسىرىپ تۇرۋعا شاقىرادى.
-دارىگەرلەر ءاربىر دونور تۋرالى تولىق اقپارات ءبىلۋى ءتيىس. قان تاپسىرىپ تۇرۋ – ادام اعزاسىنا پايدالى. سوندىقتان دا قان بەر دە - جان ءبىتىر دەگەن باستامانى قۇپتايتىندار كوپ بولسا دەگەن تىلەگىمىز بار. بۇگىندە وبلىس بويىنشا قان قورى جەتكىلىكتى. بارلىق مەكەمەلەردى قاجەتتى قانمەن قامتاماسىز ەتىپ وتىرمىز. وڭىردەگى جالعىز قان ورتالىعى ەمدەۋ-ساۋىقتىرۋ مەكەمەلەرىنىڭ سۇرانىستارىن تولىق قامتىپ ۇلگەرۋدەمىز. جاسىراتىنى جوق, سوڭعى كەزدەرى ەرىكتى دونورلار سانى ازايىپ كەتتى, دەيدى ول.
دونورلىق قان تاپسىرۋ پروتسەدۋراسى ارقىلى ادام اقىسىز تۇردە زەرتحانالىق تالداۋ جاسايتىن مۇمكىندىك بار. ايتۆ, مەرەز, گەپاتيتتىڭ تۇرلەرى, گەموگلوبين كورسەتكىشىن, ەريتروتسيت, لەيكوتسيت جانە دە قان توبى مەن رەزۋس تاۋەلدىلىكتى انىقتاپ الۋعا بولادى.
دونورلىق ارقىلى جۇرەك پەن قان تاراتۋ تامىرلارى, يممۋندىق جانە تاماق قورىتۋ جۇيەلەرى, ۇيقى بەزى جانە تاعى دا باسقا اعزالارى ءتيىمدى جوعارى جۇمىس جاسايدى, دەنساۋلىعىن جاقسارتادى. سونىمەن قاتار قان جوعالتۋ يممۋنيتەتتى تۇسىرمەيدى, كەرىسىنشە جاتتىقتىرادى, زات الماسۋىن كۇشەيتەدى جانە دە اعزانىڭ جۇمىسىن جاقسارتادى.
ماسەلەن اقتاۋ قالاسىنىڭ تۇرعىنى ماقسات بەكمۇراتوۆ وسىمەن ءۇشىنشى رەت قان تاپسىرىپ وتىر. ونىڭ ايتۋىنشا, قان تاپسىرۋ ونىڭ دەنساۋلىعىنا پايدالى ەكەنىن سەزىنگەن. دونورلىق اعزانىڭ قان-اينالىمىن رەتتەپ, يممۋندىق جۇيەنى نىعايتاتىنى تۋرالى دارىگەرلەردەن سۇراپ بىلگەن. وسىلايشا, ول ءوزىنىڭ تەك قانا توتەنشە جاعدايلاردا عانا ەمەس, دەرتكە شالدىققان ادامدارعا قان تاپسىرۋ ارقىلى ولاردىڭ ءومىرىن قۇتقارۋعا پايداسىنىڭ تيگەنىن قالايدى جانە دونورلىق قان تاپسىرۋ – ازاماتتىق پارىزىم دەپ بىلەدى.
-وسىمەن ءۇشىنشى رەت كەلىپ, قان تاپسىرىپ وتىرمىن. انام دا, اپام دا - دارىگەر. ولاردىڭ ايۋىنشا, ەگەر ادام ءجيى قان تاپسىرىپ تۇرسا قان قىسىمى جوعارىلامايدى جانە كوپتەگەن اۋرۋدىڭ الدىن الۋعا كومەكتەسەدى. مەن تاپسىرعان قان بىرەۋگە پايداسى تيەدى دەپ ۇمىتتەنەمىن. الداعى ۋاقىتتا تاعى دا قان تاپسىرىپ تۇراتىنىما سەنىمدىمىن, دەيدى ول.