باتىس قازاقتان وبلىسىندا اقىن جۇبان مولداعاليەۆتىڭ 100 جىلدىق مەرەيتويىنا ارنالعان كەشەندى شارالار بۇگىن رەسمي تۇردە باستالدى.
جۇبان مولداعاليەۆ اتىنداعى باتىس قازاقستان وبلىستىق عىلىمي-امبەباپ كىتاپحاناسى, الماتى قالاسىنداعى ۇلتتىق كىتاپحانا, عابدول سلانوۆ اتىنداعى اتىراۋ وبلىستىق كىتاپحاناسى جانە اقجايىق اۋداندىق كىتاپحاناسى اراسىندا وتكەن ۆيدەوكونفەرەنتسيادا اقىن شىعارماشىلىعى مەن ءومىر جولى, كەيىنگى ۇرپاققا ءتالىم-تاربيەسى تۋرالى كەڭىنەن ءسوز بولدى. بەينەجيىنعا الماتى قالاسىنان قوسىلعان مىڭباي ءراش, اقۇشتاپ باقتىگەرەەۆا, يسرايل ساپارباي, تەمىرحان مەدەتبەك, نۇرداۋلەت اقىش سىندى قالامگەرلەر جۇبان اقىن جايلى ەستەلىكتەرىن ورتاعا سالدى. اتىراۋ قالاسىنان سازگەر ءارى قالامگەر ءىليا جاقانوۆ ءماتىنىن مولداعاليەۆ جازعان ايگىلى «ەدىل-جايىق» ءانىنىڭ شىعۋ تاريحىن اڭگىمەلەپ بەردى. ال اقىننىڭ جەرلەستەرى مادەنيەت سالاسىنىڭ ارداگەرى جايساڭ اقباي, اقىن ايتقالي نارىكوۆ جۇبان اقىننىڭ تۋعان جەرىنە, اق جايىق وڭىرىنە كەلگەن كەلگەن كەزىندەگى وقيعالاردى ورتاعا سالسا, اقىن, جۇبانتانۋشى ۇزىلدىك ەلەۋباەۆا اقىننىڭ تۋعان جەرىندە بيىل اتقارىلاتىن مەرەيتويلىق شارالار تۋرالى ايتتى.
- بۇگىن اقجايىق اۋدانىنىڭ ورتالىعىنان شىققان ءبىر توپ قالامگەر, زيالى قاۋىم وكىلدەرى جۇبان مولداعاليەۆتىڭ كىندىك قانى تامعان جەرى – قۋرايلىساي, سايقۇدىق اۋىلدارىنا, جىلاندى ەلدىمەكەنىنە اتتانادى. وسىلايشا اقىن تويىنا ستارت بەرىلەدى. جىل سوڭىنا قاراي اۋدان ورتالىعىندا جۇبان مولداعاليەۆ اتىنداعى ادەبيەت جانە ونەر ورتالىعى اشىلماق, ول جەردە اقىن مۇراجايى, كىتاپحانا جانە كوپشىلىك شارالار وتكىزەتىن ارنايى زال بولماق, - دەيدى ۇزىلدىك ەلەۋبايقىزى.
«جۇبان اقىننىڭ جۇزجىلدىق مەرەيتويى اتالىپ وتەتىن جىلدىڭ باسىندا ۇيىمداستىرىلعان ونلاين كونفەرەنتسياعا قازاقستاننىڭ ءار ايماعىنداعى كىتاپحانالاردىڭ قاتىسۋى – قالامگەر تويىنىڭ جالپىحالىقتىق سيپاتىن كورسەتەدى» دەيدى قالامگەرلەر.
شارا اياسىندا جاستار جۇبان مولداعاليەۆتىڭ ولەڭدەرىنەن ۇزىندىلەر وقىدى.
باتىس قازاقستان