ماڭعىستاۋ وبلىسى دەنساۋلىق ساقتاۋ باسقارماسى سالاۋاتتى ءومىر سالتىن قالىپتاستىرۋ پروبلەمالارىنىڭ وبلىستىق ورتالىعى قالادا «دەنساۋلىق فەستيۆالى» سپورتتىق مەرەكەسىن وتكىزۋدى داستۇرگە اينالدىرعان. اتالمىش شارانى وتكىزۋدەگى نەگىزگى ماقسات - قاراپايىم تۇرعىنداردى دەنە تاربيەسى جانە سپورتپەن شۇعىلدانۋعا تارتۋ, سالاۋاتتى ءومىر سالتىن ۇستانۋ, اۋرۋدىڭ الدىن الۋدىڭ نەگىزى سالاۋاتتىلىق ەكەندىگىن ءتۇسىندىرۋ.
جىل وتكەن سايىن بۇقارالىق سپورتپەن اينالىسۋشىلاردىڭ سانى ارتىپ كەلەدى. سوڭعى جىلدارى وبلىستا بىرقاتار سپورتتىق كەشەندەر مەن سپورتتىق الاڭدار پايدالانۋعا بەرىلۋدە, ياعني سالاۋاتتى ءومىر سالتىن ناسيحاتتاۋ ماقساتىندا كوپتەگەن جۇمىستار جۇزەگە اسىرىلىپ كەلەدى.
وسىنداي مازمۇندى سپورتتىق مادەني-كوپشىلىك شارالارى ءتول مادەنيەتىمىزدى, رۋحاني قۇندىلىقتارىمىزدى جاڭعىرتۋعا وڭ ىقپالىن تيگىزىپ قويماي, كەلەشەك ۇرپاقتى پاتريوتتىق رۋحتا تاربيەلەۋگە كومەكتەسەدى.
حالىقتىڭ سالاۋاتتى ءومىر سالتى مەن دەنساۋلىق ساقتاۋ ماسەلەلەرى جونىندەگى ءبىلىمى مەن حاباردارلىعىن ارتتىرا بەرۋ مىندەت. حالىق اراسىندا سپورتتىڭ بۇقارالىق سيپات الۋىنا جانە سپورتتى ناسيحاتتاۋعا ەرەكشە دەن قويۋ قاجەت. وسكەلەڭ ۇرپاق - ءبىزدىڭ ەرتەڭگى بولاشاعىمىز بولعاندىقتان, ولاردىڭ سپورتتىق بىلىمدەرىن ارتتىرىپ قانا قويماي, وسىنداي اكتسيالاردى كوپتەپ ۇيىمداستىرۋ جاستاردىڭ سالاۋاتتى ءومىر سالتىن دۇرىس ۇستانۋىنا سەپتىگىن تيگىزۋى ءسوزسىز.
وسى باعىتتا وبلىستىق سالاۋاتتى ءومىر سالتىن قالىپتاستىرۋ ورتالىعىنىڭ ماماندارى دۇرىس تاماقتانۋ جانە سالاۋاتتى ءومىر سالتىن ۇستانۋ بويىنشا اقپارات بەرىپ وتىرادى.
فەستيۆال اياسىندا ء«وز دەنساۋلىعىڭىزدى كۇتىڭىز, اۋرۋلاردىڭ الدىن الۋ, سكرينيگتىك تەكسەرۋدەن ءوتىڭىز!», «سالاۋاتتى وتباسىن قۇرامىز!» جانە ت.ب. تاقىرىپتارىنداعى اقپاراتتىق-كورنەكىلىك ماتەريالدارى تاراتىلىپ, حالىقتىڭ اقپاراتتىلىعى مەن وزدەرىنىڭ دەنساۋلىقتارىنا جاۋاپكەرشىلىكتەرى ارتتىرىلدى.
-وبلىس بويىنشا تاعايىندالعان 5 «سپورت ەلشىسىنىڭ» بىرەۋى بولعاندىقتان ايماعىمىزدا وتكىزىلگەن سپورتتىق-كوپشىلىك ءىس-شارالارعا اتسالىسىپ كەلەمىن. بيىلعى جىل ەلىمىزدە «ەرىكتىلەر جىلى» دەپ جاريالاندى جانە مەملەكەت باسشىسى ق. توقاەۆ ءوز جولداۋىندا ەرىكتىلەردىڭ ورنى ەرەكشە ەكەنىن اتاپ ءوتتى.
ەرىكتى دەگەنىمىز نە؟ ول قوعامعا ءوز ەركىمەن كومەك بەرۋ. بىزدە كوبىنەسە ەرىكتىلەردە جاستار بۋىنى وتە كوپ. ولار قول ۇشىن بەرۋدى ءار ءتۇرلى فورماتتا كورسەتىپ ءجۇر. ال ەلباسى نۇرسۇلتان ءابىش ۇلى نازارباەۆ: «حالىق دەنساۋلىعى – ەل دامۋىنىڭ اجىراماس, قۇرامداس بولىگى» دەگەن بولاتىن. سوندىقتان, دەنىم ساۋ بولسىن دەسەڭىز, سپورتپەن شۇعىلدانىڭىزدار, دەيدى ول.
«ماڭعىستاۋ وبلىستىق ەرەكشە تۇلعالاردىڭ دەنە شىنىقتىرۋ جانە سپورت فەدەراتسياسى» قوعامدىق بىرلەستىگىنىڭ ءتورايىمى جارىلگاس ماڭدايلى ىستىبايقىزى.