ەسەپ بەرۋ جيىنىندا قالا باسشىسى ماقسات يباعاروۆ دەنساۋلىق سالاسى بويىنشا دا ءسوز قوزعادى.
جاقىندا قالالىق كوپبەيىندى اۋرۋحانانىڭ جانىنان «كارديو ورتالىق» اشىلىپ, 15 ادامعا كورونوگرافيا وپەراتسياسى جاسالعان. سونىمەن قاتار «سامۇرىق-قازىنا تراست» اق قولداۋىمەن 3 رەانيموبيل اۆتوكولىك جانە «العا» مۇگەدەكتەر كلۋبىنا سپورتپەن اينالىسۋعا ارنالعان قۇرال-جابدىقتار قامتاماسىز ەتىلگەن. بۇنداي وڭ وزگەرىس الداعى ۋاقىتتا دا جالعاسىن تاپپاق.
ماسەلەن, 50 كەرەۋەتتىك ستاتسيونارى بار مەديتسينالىق ورتالىقتىڭ قۇرىلىسىن جىل سوڭىنا دەيىن اياقتاپ, پايدالانۋعا بەرۋ جوسپارلانىپ وتىر. ال قىزىلساي اۋىلىنداعى دارىگەرلىك امبۋلاتوريانىڭ قۇرىلىسى 2020 جىلى باستالادى. تۇرعىندار تاراپىنان قوعامدىق كولىك, راحات اۋىلىنا كىرەبەرىس كوشەسىنىڭ اسفالت جولىنا كۇردەلى جوندەۋ, ەندوكرينولوگ, نەۆروپاتولوگ سىندى دارىگەرلەر جەتىسپەۋشىلىگى, شاعىن اۋداندارعا بالالار ويىن الاڭشالارىن سالۋ سىندى ماسەلەلەر قوزعالدى.
جيىن سوڭىندا وبلىس اكىمى ءسوز الىپ, ماقسات يباعاروۆقا ءبىر قاتار تاپسىرمالار بەردى. اتاپ ايتساق, جۇمىسسىزدىقتى ازايتۋ, شاعىن جانە ورتا كاسىپكەرلەردى دامىتۋ, قالا ىشىندەگى كاسىپكەرلىك باعىتقا ىڭعايلانعان جەرلەردى اۋكتسيونعا شىعارۋ.
سونىمەن قاتار دەنساۋلىق سالاسىنداعى مامان تاپشىلىعىن رەتتەۋ, جولاۋشىلار تاسىمالدايتىن قوعامدىق كولىكتەردى جاڭارتۋ, اۋىز سۋ ماسەلەسىن شەشۋدى تاپسىردى.