قازاقستان پرەزيدەنتى نۇرسۇلتان نازارباەۆتىڭ اتىنا «تاۋەلسىز مەملەكەتتەر ارداگەرلەرىنىڭ (زەينەتكەرلەرىنىڭ) قوعامدىق ۇيىمدارى قوعامداستىعى» حالىقارالىق وداعى ۇيلەستىرۋ كەڭەسىنىڭ توراعاسى, فلوت ادميرالى ا.سوروكيننەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
ءوز حاتىندا ا.سوروكين قازاقستاندا 1941-1945 جىلدارداعى ۇلى وتان سوعىسىنىڭ باتىرلارىن ماڭگى ەستە قالدىرۋعا ەرەكشە ءمان بەرىلىپ وتىرعانىنا ريزاشىلىق بىلدىرەدى. اتاپ ايتقاندا, ەلدە جىل سايىن جاڭا مەموريالدىق كەشەندەر تۇرعىزىلىپ, باۋىرلاستار قابىرى جانە وزگە دە قاستەرلى ورىندارعا جوعارى دەڭگەيدە كۇتىم جاسالادى.
وسى ورايدا, ا.سوروكين نۇرسۇلتان نازارباەۆقا تاريحي جادىنىڭ ساقتالۋى جانە ارداگەرلەرگە كورسەتىلگەن قامقورلىق, دوستاستىق حالىقتارى اراسىندعى حالىقارالىق ىقپالداتىقتى, باۋىرلاستىق قارىم-قاتىناستاردى نىعايتۋ بعىتىنداعى دايەكتى قادامدار ءۇشىن العىس ايتقان.