اقتوبە وبلىسى بويىنشا قارجى پوليتسياسى دەپارتامەنتىنە م. دەگەن ازاماتتان اقتوبە بولىمشەلىك كولىكتەگى مەملەكەتتىك سانيتارلىق-ەپيدەميولوگيالىق قاداعالاۋ باسقارماسىنىڭ جەتەكشى مامانى ج.وتەگەنوۆتىڭ اقتوبە ستانساسىندا ساۋدا ورنىن اشۋعا رۇقسات بەرگەنى ءۇشىن وزىنەن 200 اقش دوللارى كولەمىندە پارا العانى تۋرالى شاعىم ءتۇستى. شۇعىل ىزدەستىرۋ شارالارىن جۇرگىزۋ بارىسىندا دەپارتامەنت قىزمەتكەرلەرى ج.وتەگەنوۆتى پارا العانىنا بۇلتارتپايتىن ايعاقتارمەن ۇستاپ, وعان قاتىستى قىلمىستىق كودەكستىڭ 311 بابى, 2-ءبولىمى بويىنشا پارا العانى ءۇشىن ءىس قوزعالدى. قىلمىسى دالەلدەنگەن پاراقور اقتوبە قالاسىنىڭ 2 سوتىنىڭ ۇكىمىمەن 3 جىلعا شارتتى تۇردە باس بوستاندىعىنان ايىرىلدى.
بۇل ورتاشا اۋىر قىلمىس بولىپ تابىلادى. ءسويتىپ, نەگىزگى ماسەلە سىبايلاس جەمقورلىق دەرەگى بويىنشا حابارلاعان نەمەسە سىبايلاستىقپەن كۇرەسكە ىقپال ەتكەن تۇلعالاردى ىنتالاندىرۋ ەرەجەسىنە سايكەس, ورتاشا اۋىر قىلمىس تۋرالى حابارلاعان تۇلعا 50 ايلىق ەسەپتىك كورسەتكىش كولەمىندە ىنتالاندىرۋعا جاتادى. سوندىقتان بۇل سىبايلاس قىلمىس تۋرالى حابارلاعان ازاماتقا رەسپۋبليكالىق بيۋدجەتتەن 86550 تەڭگە ىنتالاندىرۋ سىيلىعى تولەندى. قازىرگى تاڭدا سىبايلاس قىلمىس تۋرالى حابارلاعان ەكى ازاماتقا دا وسىنداي ىنتالاندىرۋ جاساۋ ماسەلەسى قارالۋدا. ولار 200 مىڭ تەڭگە كولەمىندە ىنتالاندىرىلاتىن بولادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.