نۇر-سۇلتان قالاسىندا قىسقى كەزەڭگە دايىندىق شەڭبەرىندە 5 جانە 6 قاراشادا 2019-2020 جىلدارى حالىقتى جانە اۋماقتى توتەنشە جاعدايلاردان قورعاۋدى ۇيىمداستىرۋ بويىنشا نۇر-سۇلتان قالاسى اكىمىنىڭ ورىنباسارى ە.قيزاتوۆتىڭ باسشىلىعىمەن «قىس – 2019» رەسپۋبليكالىق كوماندالىق-شتابتىق وقۋ-جاتتىعۋلارى ءوتتى.
«قىس – 2019» وقۋ-جاتتىعۋ الاڭدا, 5 كەزەڭ بويىنشا وتكىزىلدى: 1 وقۋ كەزەڭى – اۆاريالىق-قۇتقارۋ قۇرامالارىنىڭ ساپ تۇزەۋى, 2 وقۋ كەزەڭى – جىلۋ قۇبىرلارىنداعى اۆاريانى, سونداي-اق ەلەكترەنەرگەتيكالىق جەلىلەردەگى ەلەكتر بەرۋ جەلىلەرىنىڭ ءۇزىلۋىن جويۋ. قاتتى اياز سالدارىنان جىلۋ جەلىلەرىنىڭ اپاتتى ءوشىرىلۋى ورىن الدى. تۋىنداعان جاعدايدى جويۋ ءۇشىن وقيعا ورنىنا «استانا-تەپلوترانزيت» اۆاريالىق بريگادالارى جىبەرىلدى.
3 وقۋ كەزەڭى – زارداپ شەككەندەرگە ارنالعان جىلىتۋ جانە تاماقتانۋ پۋنكتتەرى. قابىلداۋ پۋنكتى قۇتقارۋشىلارعا دەمالۋعا, جىلىنۋعا جانە تاماقتانۋعا, سونداي-اق «اپاتتار مەديتسيناسى ورتالىعى» دارىگەرلەرىنىڭ زارداپ شەككەندەرگە شۇعىل مەديتسينالىق جانە پسيحولوگيالىق كومەك كورسەتۋگە مۇمكىندىك بەرەدى. جىلىتۋ, مەديتسينالىق كومەك كورسەتۋ جانە تاماقتانۋ پۋنكتتەرىندە كومەك كورسەتۋدىڭ تۇراقتى قاتىسۋشىسى نۇر-سۇلتان قالاسىنداعى قىزىل جارتى اي قوعامىنىڭ فيليالى بولىپ تابىلادى.
4 وقۋ كەزەڭى – بيىك عيماراتتان ءورت ءسوندىرۋ جانە قۇتقارۋ جۇمىستارىن جۇرگىزۋ. وقۋ-جاتتىعۋدىڭ ستسەناريى بويىنشا تۇرعىن ءۇي كەشەنىنىڭ 7-قاباتىندا ەلەكتر سىمدارى مەن كابەلدەردىڭ تۇيىقتالۋى ورىن الدى. شۇعىل تۇردە شاقىرتۋ ورنىنا ءورت ءسوندىرۋ, قۇتقارۋ بولىمشەلەرى كەلىپ جەتەدى, ولار الپينيستىك قۇرال-جابدىقتاردىڭ كومەگىمەن, اۆتوساتىنى كوتەرۋ, سونداي-اق ء«ومىر تەكشەسىنە» سەكىرۋ قۇرىلعىسىن قولدانۋ ارقىلى ادامداردى ەۆاكۋاتسيالاۋ جانە قۇتقارۋ جۇمىستارىن جۇرگىزدى. اپاتتار مەديتسيناسى ورتالىعى, 103 قىزمەتى زارداپ شەككەندەرگە مەديتسينالىق كومەك كورسەتتى.
5 كەزەڭ – نۇر-سۇلتان – قاراعاندى اۆتوجولىندا قار باسقان اۆتوبۋستان جولاۋشىلاردى ەۆاكۋاتسيالاۋ جانە بالىقشىلاردى ىزدەۋ. وقۋ-جاتتىعۋدىڭ ستسەناريى بويىنشا 112 قۇتقارۋ قىزمەتىنە نۇر-سۇلتان-قاراعاندى رەيستىك اۆتوبۋسىنىڭ جولاۋشىلارىنان جاۋىن-شاشىن مەن 25 م/سەك ەكپىندى جەلدىڭ سالدارىنان جولاۋشىلار توبى بار اۆتوبۋس قار قۇرساۋىنا تۇسكەندىگى تۋرالى قوڭىراۋ كەلىپ ءتۇستى. توتەنشە جاعدايلار تۋىنداعان جەرگە شۇعىل كومەك كورسەتۋ ءۇشىن دەپارتامەنتتىڭ كۇشتەرى مەن قۇرالدارى, قۇتقارۋ جاساعى, 5573 اسكەري ءبولىمىنىڭ 25 اسكەري قىزمەتشىسى, ترەكول جوعارى ءوتىمدى اۆتوكولىكتەرىمەن مەديتسينالىق بريگاداسى جىبەرىلدى.
وسى كۇنى بالىقشىلاردىڭ تۋىسقاندارىنان مۇز استىنان بالىق اۋلاۋعا شىققان جاقىندارىنىڭ قاتتى بوران سالدارىنان اۋا رايىنىڭ قولايسىزدىعىنا تاپ بولعانى تۋرالى قوڭىراۋ كەلىپ ءتۇستى. ىزدەستىرۋ ءۇشىن قۇتقارۋشىلار مەن ۇلتتىق ۇلاننىڭ اسكەري قىزمەتشىلەرى قۇرامىندا جەدەل توپ قۇرىلدى. سەكتورلار بويىنشا بولىنە, سونداي-اق كينولوگيالىق ەسەپتى جانە قۇتقارۋ تەحنيكاسىن قولدانا وتىرىپ, مەديتسينالىق بريگاداعا جەتكىزىلگەن زارداپ شەككەندەر تابىلدى. وقۋ-جاتتىعۋدىڭ تاعى ءبىر كەزەڭى ءورت ءسوندىرۋ جانە بيىك عيماراتتان قۇتقارۋ جۇمىستارىن جۇرگىزۋ بولدى.
«بۇگىن ءبىز ەلوردانىڭ جەدەل ارەكەت ەتۋ قىزمەتتەرىنىڭ قانشالىقتى دايىن ەكەنىندىگىنە كۋا بولدىق, سونداي-اق وقۋ-جاتتىعۋدا جولاۋشىلاردى ەۆاكۋاتسيالاۋ, زارداپ شەككەندەردى قۇتقارۋ جانە مەديتسينالىق كومەك كورسەتۋ بويىنشا ارنايى-تاكتيكالىق وقۋ-جاتتىعۋلار پىسىقتالدى. مەن بۇگىنگى وقۋ-جاتتىعۋ ءساتتى ءوتتى دەپ ەسەپتەيمىن, ويتكەنى بارلىق العا قويعان ماقساتتارعا قول جەتكىزدىك», – دەدى نۇر-سۇلتان قالاسىنىڭ توتەنشە جاعدايلار دەپارتامەنتى باستىعىنىڭ مىندەتىن ۋاقىتشا اتقارۋشى, پولكوۆنيك م.امانباەۆ باق وكىلدەرىنە بەرگەن سۇحباتىندا.
وقۋ-جاتتىعۋعا بارلىعى 31 تەحنيكا مەن جەكە قۇرامنان 126 ادام جۇمىلدىرىلدى.