سەنبى, 18 مامىر 2013 0:51
2012 جىلعى 24 جەلتوقسان الماتى قالاسى
بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ قاعيدالارىن بەكىتۋ تۋرالى
«ميكروقارجى ۇيىمدارى تۋرالى» 2012 جىلعى 26 قاراشاداعى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قوسا بەرىلىپ وتىرعان بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە ميكروكرەديتتىك ۇيىمدارعا 2016 جىلعى 1 قاڭتارعا دەيىن قولدانىلادى.
سەنبى, 18 مامىر 2013 0:51
2012 جىلعى 24 جەلتوقسان الماتى قالاسى
بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ قاعيدالارىن بەكىتۋ تۋرالى
«ميكروقارجى ۇيىمدارى تۋرالى» 2012 جىلعى 26 قاراشاداعى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قوسا بەرىلىپ وتىرعان بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە ميكروكرەديتتىك ۇيىمدارعا 2016 جىلعى 1 قاڭتارعا دەيىن قولدانىلادى.
ۇلتتىق بانك توراعاسى گ.مارچەنكو.
قازاقستان رەسپۋبليكاسىنىڭ ۇلتتىق بانكى باسقارماسىنىڭ 2012 جىلعى 24 جەلتوقسانداعى № 378 قاۋلىسىمەن بەكىتىلگەن
بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ قاعيدالارى
وسى بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ قاعيدالارى (بۇدان ءارى – قاعيدالار) «ميكروقارجى ۇيىمدارى تۋرالى» 2012 جىلعى 26 قاراشاداعى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە ميكروقارجى جانە ميكروكرەديتتىك ۇيىمداردىڭ (بۇدان ءارى – ميكروقارجى ۇيىمدارى) بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ ءتارتىبىن بەلگىلەيدى.
1. جالپى ەرەجەلەر
1. قاعيدالاردىڭ ماقساتتارى ءۇشىن مىناداي ۇعىم پايدالانىلادى:
سىياقىنىڭ جىلدىق ءتيىمدى مولشەرلەمەسى – ميكروكرەديت بويىنشا دايەكتى, جىلدىق, ءتيىمدى, سالىستىرمالى تۇردە ەسەپتەلەتىن, قاعيدالارعا سايكەس ەسەپتەپ شىعارىلاتىن سىياقى مولشەرلەمەسى.
2. ميكروقارجى ۇيىمدارى ميكروكرەديت بەرۋ تۋرالى شارتتا سىياقىنىڭ جىلدىق ءتيىمدى مولشەرلەمەسىن كورسەتەدى.
ميكروكرەديت بەرۋ تۋرالى شارتتا سىياقىنىڭ جىلدىق ءتيىمدى مولشەرلەمەسى كومپيۋتەرلىك تەحنيكا قوندىرعىسىنىڭ كومەگىمەن ءبىر قوسىمشادا تسيفرمەن جانە جازۋمەن كورسەتىلە وتىرىپ, سونداي-اق سىياقىنىڭ باسقا مولشەرلەمەلەرىمەن قارىپتەرى بىردەي كولەمدەگى جانە رەسىمدەۋ ستيلىندەگى (كۋرسيۆ, قارايتىلعان, تۇسپەن بوياپ كورسەتۋ, مولشەرى) نىساندا باسىپ كورسەتىلەدى.
3. سىياقىنىڭ جىلدىق ءتيىمدى مولشەرلەمەسىنىڭ ەسەبى:
1) ميكروكرەديت بەرۋ تۋرالى شارت جاسالعان كۇنگە;
2) قارىز الۋشىنىڭ اۋىزشا نەمەسە جازباشا تالابى بويىنشا;
3) ميكروكرەديت بەرۋ تۋرالى شارتقا وزگەرىستەر مەن تولىقتىرۋلار ەنگىزىلگەن جاعدايدا قارىز الۋشىنىڭ اقشالاي مىندەتتەمەلەرى سوماسىنىڭ (مولشەرىنىڭ) جانە (نەمەسە) ونى تولەۋ مەرزىمىنىڭ وزگەرۋىنە اكەپ سوعاتىن, شارتقا قوسىمشا كەلىسىم جاساۋ جولىمەن جۇرگىزىلەدى.
4. ميكروكرەديت بەرۋ تۋرالى شارت تالاپتارى قارىز الۋشىنىڭ اقشالاي مىندەتتەمەلەرى سوماسىنىڭ (مولشەرىنىڭ) جانە (نەمەسە) ونى تولەۋ مەرزىمىنىڭ وزگەرۋىنە اكەپ سوعاتىنداي وزگەرگەن كەزدە سىياقىنىڭ جىلدىق ءتيىمدى مولشەرلەمەسىنىڭ ناقتىلانعان ءمانى ميكروكرەديت بەرۋ تۋرالى شارت قولدانىلا باستاعان مەرزىمنەن باستاپ قارىز الۋشى ميكروكرەديت بويىنشا تولەگەن تولەمدەردى ەسەپتەمەگەندە, تالاپتاردى وزگەرتۋ باستالعان كۇنگى ميكروكرەديتتى وتەۋدىڭ قالعان مەرزىمىنە قاراي ەسەپتەلەدى.
ميكروكرەديت بەرۋ تۋرالى شارت تالاپتارىنىڭ وزگەرۋىنە بايلانىستى تولەنۋى ءتيىس كوميسسيالار بولعان كەزدە بۇل كوميسسيالار سىياقىنىڭ جىلدىق ءتيىمدى مولشەرلەمەسىنىڭ ەسەبىنە كىرەدى.
2. سىياقىنىڭ جىلدىق ءتيىمدى مولشەرلەمەسىن ەسەپتەۋ
5. بەرىلەتىن ميكروكرەديتتەر بويىنشا سىياقىنىڭ جىلدىق ءتيىمدى مولشەرلەمەسى مىناداي فورمۋلا بويىنشا ەسەپتەلەدى:
(سجس + تجس)/(بق/م)
Cجتم = ——————————- x 12 x 100,
م
مۇنداعى:
سجتم – ميكروكرەديت بويىنشا سىياقىنىڭ جىلدىق ءتيىمدى مولشەرلەمەسى;
سجس – ميكروكرەديتتى پايدالانۋدىڭ بۇكىل مەرزىمىندەگى سىياقىنىڭ جالپى سوماسى;
تجس – ميكروقارجى ۇيىمىنىڭ ميكروكرەديتتى پايدالانۋدىڭ بۇكىل مەرزىمىندە ميكروكرەديتتىڭ بەرىلگەنى, قىزمەت كورسەتىلگەنى جانە وتەلگەنى (قايتارىلعانى) ءۇشىن كوميسسيالارى مەن وزگە تولەمدەرىنىڭ جالپى سوماسى;
بق – ميكروكرەديتتى پايدالانۋدىڭ بۇكىل مەرزىمىندە ميكروكرەديت بويىنشا بەرەشەكتىڭ اي سايىنعى قالدىقتارىنىڭ جالپى سوماسى;
م – ميكروكرەديتتى وتەۋدىڭ ايمەن كورسەتىلگەن مەرزىمى.
6. ەگەر سىياقىنىڭ جىلدىق ءتيىمدى مولشەرلەمەسىن ەسەپتەۋ كەزىندە الىنعان ساننىڭ ءمانى ءبىر وندىق بەلگىدەن كوپ بولسا, ول بىلايشا وندىق بولشەككە دەيىن دوڭگەلەكتەنۋى ءتيىس:
1) ەگەر جۇزدىك بولشەك 5-تەن كوپ نەمەسە تەڭ بولسا, وندىق بولشەك 1-گە ۇلعايتىلادى, ودان كەيىنگى بارلىق بەلگىلەر الىپ تاستالادى;
2) ەگەر جۇزدىك بولشەك 5-تەن از بولسا, وندىق بولشەك وزگەرىسسىز قالادى, ودان كەيىنگى بارلىق بەلگىلەر الىپ تاستالادى.
7. ميكروكرەديت بويىنشا سىياقىنىڭ جىلدىق ءتيىمدى مولشەرلەمەسىن ەسەپتەۋ كەزىندە مىنالار ەسەپكە الىنادى:
1) ميكروكرەديتتى وتەۋدىڭ بۇكىل مەرزىمىندە ميكروكرەديت بويىنشا سىياقى;
2) كوميسسيالار جانە وزگە تولەمدەر – قارىز الۋشىنىڭ مولشەرلەرى مەن تولەۋ مەرزىمدەرى ميكروكرەديت بەرۋ تۋرالى شارت جاساۋ ساتىندە بەلگىلى بولعان, ميكروكرەديتتى الۋمەن, پايدالانۋمەن جانە وتەۋمەن (قايتارۋمەن) بايلانىستى, ميكروقارجى ۇيىمىنا ميكروكرەديت بەرۋ تۋرالى شارتقا سايكەس تولەنۋى ءتيىس شىعىستارى, سونداي-اق:
ەگەر ساقتاندىرۋ شارتى بويىنشا ساقتاندىرۋ وقيعاسى باستالعان جاعدايدا ميكروقارجى ۇيىمى پايدا الۋشى بولسا, قارىز الۋشىنىڭ ساقتاندىرۋ ۇيىمىنىڭ پايداسىنا تولەمدەرى;
ەگەر كەپىلدى باعالاۋ قاجەتتىگى ميكروكرەديتتى بەرۋ قاعيدالارىندا كوزدەلسە, قارىز الۋشىنىڭ كەپىلدىكتى (كەپىلگەرلىكتى) العانى ءۇشىن كەپىل بەرۋشىگە (كەپىلگەرگە), كەپىلگە بەرىلەتىن م ۇلىكتى باعالاعانى ءۇشىن باعالاۋشىعا تولەگەن تولەمدەرى;
ميكروكرەديتتى الۋ جانە قىزمەت كورسەتۋ جونىندەگى قىزمەتتەردى كورسەتۋشى باسقا ۇيىمدارعا (دەلدالدارعا) تولەمدەر.
8. سىياقىنىڭ جىلدىق ءتيىمدى مولشەرلەمەسىن ەسەپتەۋ كەزىندە مىنالار ەسەپتەلمەيدى:
1) تۇراقسىزدىق (ايىپپۇل, ءوسىمپۇل), ونىڭ ىشىندە قارىز الۋشىنىڭ ميكروكرەديت بەرۋ تۋرالى شارت تالاپتارىن ساقتاماعانى ءۇشىن;
2) ميكروكرەديت بەرۋ تۋرالى شارتتا كوزدەلگەن ميكروكرەديتكە قىزمەت كورسەتۋ جونىندەگى, كولەمى جانە (نەمەسە) تولەۋ مەرزىمدەرى شارت جاسالعان كۇنى بەلگىسىز بولعان جانە قارىز الۋشىنىڭ شەشىمىنە جانە (نەمەسە) ونى جۇرگىزۋ نۇسقاسىنا (ميكروكرەديتتى مەرزىمىمەن بۇرىن تولىق نەمەسە ءىشىنارا وتەۋ) بايلانىستى تولەمدەر.
9. ميكروكرەديت بەرۋ تۋرالى شارتقا وزگەرىستەر مەن تولىقتىرۋلار, ونىڭ ىشىندە قارىز الۋشىنىڭ ءوتىنىشى بويىنشا ەنگىزىلگەن جاعدايدا, قاعيدالار قولدانىسقا ەنگىزىلگەنگە دەيىن قارىز الۋشىمەن جاسالعان ميكروكرەديت بەرۋ تۋرالى قولدانىستاعى جانە سىياقىنىڭ جىلدىق ءتيىمدى مولشەرلەمەسىنىڭ ءمانى كورسەتىلمەگەن شارت بويىنشا سىياقىنىڭ جىلدىق ءتيىمدى مولشەرلەمەسىنىڭ ءمانى ميكروكرەديت بەرۋ تۋرالى شارتقا قوسىمشا كەلىسىمدە قاعيدالاردىڭ 4-تارماعىندا كوزدەلگەن جاعدايلاردا, ميكروكرەديت بەرۋ تۋرالى شارت تالاپتارى وزگەرتىلە باستاعان كۇنگە, قالعان جاعدايلاردا – ميكروكرەديت بەرۋ تۋرالى شارت جاسالعان كۇنگە كورسەتىلەدى.
10. قارىز الۋشىنىڭ ميكروقارجى ۇيىمىنا تولەگەن تولەمدەرى جانە ميكروقارجى ۇيىمىنىڭ قارىز الۋشىعا تولەمدەرى cىياقىنىڭ جىلدىق ءتيىمدى مولشەرلەمەسىن ەسەپتەۋ ماقساتىندا ولار ناقتى تولەنگەن كۇنگە, بولاشاقتاعىلارى – تولەمدەر گرافيگى بويىنشا ەسەپكە الىنادى.
قاۋلى قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 28 قانتاردا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8307 بولىپ ەنگىزىلدى.