ونى ورىنداماعان جۇمىس بەرۋشىلەرگە ايىپپۇل سالىنادى. مۇنداي نورما «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكس جوباسىنىڭ جاڭا رەداكتسياسىندا قاراستىرىلعان. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى جاريالادى.
«كودەكستە جۇمىس بەرۋشىنىڭ جاۋاپكەرشىلىگى دە قاراستىرىلىپ وتىر. ولار قىزمەتكەرلەرىنە سكرينينگتەن ءوتۋ ءۇشىن 5 كۇنگە دەيىن اقىسى تولەنەتىن دەمالىس بەرەدى. بارلىق ازاماتتاردىڭ بەلگىلى ءبىر سكرينينگتەن تەگىن وتۋگە مۇمكىندىكتەرى بار. بالالاردى جىل سايىن مەديتسينالىق تەكسەرۋدەن وتكىزۋ دە قاراستىرىلعان. جۇمىس بەرۋشى اقىسى تولەنەتىن دەمالىس بەرۋگە مىندەتتى. ونى ورىنداماعان جاعدايدا جۇمىس بەرۋشىگە ايىپپۇل سالىنادى», - دەدى ماجىلىستە اتالعان كودەكس جوباسىن تانىستىرعاننان كەيىن باق وكىلدەرىنە سۇحبات بەرگەن دەنساۋلىق ساقتاۋ ءمينيسترى ەلجان ءبىرتانوۆ.
وسى ورايدا مينيستر جۇمىس بەرۋشى قىزمەتكەرىن سكرينينگتەن ءوتۋ ءۇشىن اقىسى تولەنەتىن دەمالىسقا جىبەرسە قايدا شاعىمدانۋعا بولاتىندىعىن ايتتى.
«زاڭ بويىنشا وسىنداي جاۋاپكەرشىلىك ەنگىزىلگەننەن كەيىن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك قۇقىقتارىن قورعاۋ, دەنساۋلىق ساقتاۋ مينيسترلىگىنىڭ مەديتسينالىق قىزمەتتەردىڭ ساپاسىن باقىلاۋ سالالارىنداعى كوميتەتتەرىنە شاعىمدانۋعا بولادى», - دەپ اتاپ ءوتتى مينيستر.