شىمكەنتتەگى «رۋحاني جاڭعىرۋ» جوبالىق كەڭسەسى جانە «وتىرار» عىلىمي-امبەباپ كىتاپحاناسىنىڭ ۇيىمداستىرۋىمەن «كىتاپ وقىپ, رۋحاني باي بول!» بايقاۋى جاريالاندى. كىتاپ وقۋشىلار سايىسى 15 قازاننان باستالىپ, ەكى كەزەڭ بويىنشا وتكىزىلمەك.
اۋەلى, ءى كەزەڭدە قاتىسۋشىلار ادەبي شىعارمادان ءۇزىندىنى مانەرلەپ وقۋى قاجەت. ونى Facebook جانە Instagram الەۋمەتتىك جەلىلەرىندە ەستافەتا فورماتىندا جولدايدى. سونداي-اق ەستافەتانى شىمكەنت قالاسى «رۋحاني جاڭعىرۋ» جوبالىق كەڭسەسىنىڭ اككاۋنتتارى مەن «رۋحاني جاڭعىرۋ» باعدارلاماسىنىڭ رەسمي اككاۋنتىن بەلگىلەپ, #shymkent #RuhaniJangyry #KitapOqypRuhaniBaiBol حەشتەگتەرى ارقىلى جاريالاۋى ءتيىس.
ال ءىى كەزەڭدە الەۋمەتتىك جەلىلەردە كوپ لايك جيناپ, رەپوستارعا يە بولعان ۇزدىك 10 قاتىسۋشى كەلەسى كەزەڭگە جولداما الادى. بۇل كەزەڭدە قاتىسۋشىلار اراسىندا ادەبي شىعارما جەلىسىندە دەبات وتەدى. ارنايى تاعايىندالعان قازىلار القاسى ۇزدىك شىققان جەڭىمپازداردى انىقتايدى. بايقاۋعا قاتىسۋشىلارعا ارنايى سىيلىقتار بەرىلەدى.
جوبا اۆتورلارىنىڭ ايتۋىنشا, بايقاۋ وسكەلەڭ ۇرپاقتىڭ تانىمىن كەڭەيتىپ, ورەسىن بيىكتەتۋ ماقساتىندا وتكىزىلىپ وتىر.