ۇلتتىق قاۋىپسىزدىك كوميتەتى وزگە مەملەكەتتىك ورگاندارمەن جانە شەتەل سەرىكتەستەرىمەن بىرلەسىپ, «جۋسان» وپەراتسياسى شەڭبەرىندە سيريادان 595 قازاقستان ازاماتىن قايتاردى, ونىڭ اراسىندا ءتورت جۇزدەن استامى بالالار. بۇل تۋرالى كوميتەتتىڭ ءباسپاسوز قىزمەتى حابارلادى.
«قايتارىلعان ادامداردىڭ ىشىندە 10 ەر ادام مەن 5 ايەل قازاقستاندا تىيىم سالىنعان/ دايش حالىقارالىق تەرروريستىك ۇيىمىنىڭ ارەكەتىنە قاتىسۋ فاكتىسى بويىنشا ءارتۇرلى مەرزىمدەرگە باس بوستاندىعىنان ايىرۋعا سوتتالدى. تەرگەۋ نۇسقاسى بويىنشا سيريا جاعدايىندا دايش-ءتىڭ ءبىر جاساعىندا بولعان تاعى دا 14 ازاماتقا قاتىستى قىلمىستىق ءىستى تەرگەۋ اياقتالدى. ولارعا تەرروريستىك ارەكەتكە قاتىستى, ارەكەتكە تارتتى جانە تەرروريزمدى ناسيحاتتادى, سونداي-اق وزگە دە اۋىر قىلمىستار جاسادى دەگەن ايىپ تاعىلدى», دەلىنگەن حابارلامادا.
قىلمىستىق ءىس ماتەريالدارى نۇر-سۇلتان قالاسىنىڭ مامانداندىرىلعان اۋدانارالىق قىلمىستىق ىستەر بويىنشا سوتىنا بەرىلدى.