قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بۇيرىعى №709
سەنبى, 12 قاڭتار 2013 5:46 2012 جىلعى 19 قازان, استانا قالاسىۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيدالارىن بەكىتۋ تۋرالى«تەمىر جول كولىگى تۋرالى» قازاقستان رەسپۋبليكاسى زاڭىنىڭ 2001 جىلعى 8 جەلتوقسانداعى 14-بابى 2-تارماعىنىڭ 17) تارماقشاسىنا سايكەس بۇيىرامىن: 1. قوسا بەرىلىپ وتىرعان ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيدالارى بەكىتىلسىن.
سەنبى, 12 قاڭتار 2013 5:46 2012 جىلعى 19 قازان, استانا قالاسىۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيدالارىن بەكىتۋ تۋرالى«تەمىر جول كولىگى تۋرالى» قازاقستان رەسپۋبليكاسى زاڭىنىڭ 2001 جىلعى 8 جەلتوقسانداعى 14-بابى 2-تارماعىنىڭ 17) تارماقشاسىنا سايكەس بۇيىرامىن: 1. قوسا بەرىلىپ وتىرعان ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيدالارى بەكىتىلسىن. 2. «ۆاگوندار (كونتەينەرلەر) وپەراتورى قىزمەتىنىڭ ەرەجەسىن بەكىتۋ تۋرالى» كولىك جانە كوممۋنيكاتسيالار ءمينيسترىنىڭ 2011 جىلعى 16 ناۋرىزداعى № 146 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6894 بولىپ تىركەلگەن, 2011 ج., 11 ماۋسىمدا №185-186 (26606-26607) «كازاحستانسكايا پراۆدا» گازەتىندە جاريالانعان) كۇشi جويىلدى دەپ تانىلسىن. 3. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىك جانە قاتىناس جولدارى كوميتەتى (ن.ي. قيلىباي) وسى بۇيرىقتى بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋ ءۇشىن ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ جاۋاپتى حاتشىسى ج.م. قاسىمبەككە جۇكتەلسىن. 5. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا. جۇماعاليەۆ.قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2012 جىلعى 19 قازانداعى №709 بۇيرىعىمەن بەكىتىلگەنۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيدالارى1. جالپى ەرەجەلەر 1. وسى ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيدالارى (بۇدان ءارى – قاعيدالار) «تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنا سايكەس ازىرلەنگەن, ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ ءتارتىبىن بەلگىلەيدى. 2. قىزمەت كورسەتۋ ۇدەرىسىندە وپەراتور مىناداي قاعيداتتاردى باسشىلىققا الادى: جۇك جونەلتۋشىلەردىڭ قاجەتتىلىگىن جەدەل قاناعاتتاندىرۋ; ۆاگونداردىڭ (كونتەينەرلەردىڭ) جۇمىس پاركىن يكەمدى پايدالانۋ; ۆاگونداردى جالعا الۋعا شەك قويۋ جانە ۆاگونداردىڭ (كونتەينەرلەردىڭ) قوزعالىسىن باسقارۋ. 3. وسى قاعيدالاردا پايدالانىلاتىن ۇعىمدار: 1) ۆاگونداردىڭ (كونتەينەرلەردىڭ) وپەراتورى – جەكە مەنشىك قۇقىعىندا نەمەسە وزگە زاڭ نەگىزدەمەلەرىندە, ۆاگون وپەراتورىنىڭ قىزمەت كورسەتۋ جولىمەن تاسىمالداۋ ۇدەرىسىندە جانە تاسىمالداۋ قۇجاتتارىندا كورسەتىلگەن تۇلعا بولىپ تابىلادى; 2) ۆاگوندار (كونتەينەرلەر) وپەراتورىنىڭ قىزمەتى (بۇدان ءارى – وپەراتور) – جۇكتەردى ۆاگوندارمەن تاسىمالداۋدى قامتاماسىز ەتۋدە جۇك يەلەرىن قاجەتتىلىكتەرىن قاناعاتتاندىرۋ; 3) ۆاگونداردى (كونتەينەرلەردى) ورنالاستىرۋ – كليەنتتىڭ بەرگەن ءوتىنىشىن ەسەپكە الا وتىرىپ تاسىمال ستانتسيالارى اراسىندا كەلىسىلگەن ۆاگونداردىڭ (كونتەينەرلەردىڭ) سانىن بەلگىلەۋ; 4) كليەنتتەردى ۆاگوندارمەن (كونتەينەرلەرمەن) قامتاماسىز ەتۋ – تاسىمالداردى جۇزەگە اسىرۋ ءۇشىن ۆاگوندارمەن (كونتەينەرلەرمەن) يەلىك ەتۋ قۇقىعىنسىز جونەلتۋ ستانتسيالارىندا ولارعا ۆاگونداردى (كونتەينەرلەردى) پايدالانۋعا بەرۋ.2. ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ ءتارتىبى 4. كليەنتتەرگە وپەراتور قىزمەت ۇسىنۋدىڭ نەگىزدەمەسى وپەراتوردىڭ قىزمەت كورسەتۋ شارتى (بۇدان ءارى – شارت) بولىپ تابىلادى, وندا تاراپتاردىڭ نەگىزگى قۇقىقتارى, مىندەتتەرى, جاۋاپكەرشىلىگى, قىزمەت كورسەتۋ شارتى جانە قىزمەت كورسەتۋ مەرزىمى بەلگىلەنەدى. شارتتا ۆاگونداردىڭ (كونتەينەرلەردىڭ) نومىرلەرى نەمەسە بىرىزدەندىرىلگەن بەلگىلەرى قامتىلماعان. 5. وپەراتوردىڭ قىزمەت ۇسىنۋى ماگيسترالدىق تەمىر جول جەلىسى وپەراتورىنىڭ اقپاراتتىق قىزمەتتەرى جۇيەسىن ۇسىنۋ شارتىنىڭ جانە جۇك ۆاگوندارىنىڭ اعىمداعى اعىتپالى جوندەۋ شارتىنىڭ نەگىزىندە ماگيسترالدىق تەمىر جول جەلىسى وپەراتورىمەن ءوزارا ءىس-قيمىل جولىمەن جۇزەگە اسىرىلادى. 6. قىزمەت ۇسىنۋ كەزىندە وپەراتور: 1) ۆاگونداردى (كونتەينەرلەردى) تەحنيكالىق جانە كوممەرتسيالىق جارامدى كۇيدە بەرەدى; 2) بوس ۆاگونداردىڭ تاسىمالىن ۇيىمداستىرادى; 3) تاسىمالداۋ قۇجاتتارىندا ۆاگونداردىڭ يەسى رەتىندە كورسەتىلەدى, ەگەر جىبەرىلەتىن ۆاگوننىڭ مەنشىك يەسى بولعان جاعدايدا; 4) تاسىمالداۋ ۇدەرىسىنە قاتىسۋشىلاردان مىنالاردى تالاپ ەتەدى: شارتتىڭ قولدانۋ مەرزىمى اياقتالعاننان كەيىن ءوز ۆاگوندارىنىڭ, كونتەينەرلەرىنىڭ ۋاقتىلى قايتارىلۋىن; شارتتىڭ قولدانىستاعى كەزەڭىندە ءوز ۆاگوندارىنىڭ, كونتەينەرلەرىنىڭ ساقتالۋىن قامتاماسىز ەتۋ; شارت تالاپتارىن بۇزۋدان تۋىنداعان كەلتىرىلگەن ماتەريالدىق زالالدىڭ وتەلۋىن; شارتتىق نەمەسە وزگە نەگىزدە ءوز ۆاگوندارىنىڭ, كونتەينەرلەرىنىڭ ورنالاسقان جەرى تۋرالى اقپاراتتى ۋاقتىلى بەرۋدى; جۇك جونەلتۋشىلەر ۇسىنعان تاپسىرىسقا سايكەس ءوز جىلجىمالى قۇرامىن پايدالانۋ ءۇشىن تەڭ قۇقىقتى قامتاماسىز ەتۋدى; ماگيسترالدىق تەمىر جولدارىندا ۆاگونداردى (كونتەينەرلەردى) پايدالانۋ بويىنشا جەدەل, ستاتيستيكالىق ەسەپتىلىكتى باستاپقى ەسەپكە الۋدىڭ جۇرگىزىلۋىن قامتاماسىز ەتۋ ءۇشىن تاسىمالداۋشىعا جانە ماگيسترالدىق تەمىر جول جەلىسىنىڭ وپەراتورىنا بەرۋدى. 7. وپەراتور جاسالعان شارتتارعا سايكەس ۆاگونداردىڭ (كونتەينەرلەردىڭ) قاجەتتى سانى كورسەتىلگەن ون كۇندىك, اي سايىنعى تاپسىرىس نەگىزىندە كليەنتتەرگە قىزمەت كورسەتەدى. 8. ۆاگونداردىڭ سانى جانە (نەمەسە) تۇرلەرىنە تاپسىرىس بولماسا, سونداي-اق ۆاگوندار (كونتەينەرلەر) وپەراتورى قىزمەتتەرىنەن تالاپ ەتىلەتىن ستانتسيالارعا ۆاگوندار (كونتەينەرلەر) جەتكىزىلۋىنىڭ شىعىندارى ارتتىرىلسا وپەراتور ون جۇمىس كۇنى ىشىندە تاپسىرىس بەرۋشىگە جازباشا تۇردە دالەلدى باس تارتۋ جىبەرەدى. 9. وپەراتور ۇسىنىلعان تاپسىرىستار نەگىزىندە ۆاگونداردى (كونتەينەرلەردى) تاسىمالداۋعا دايارلاۋ جوسپارىن ازىرلەيدى. 10. تاسىمالداۋعا دايارلانعان ۆاگونداردى (كونتەينەرلەردى) وپەراتور جۇك جونەلتۋشى كورسەتكەن جونەلتۋ ستانتسياسىنا جىبەرەدى. وسى ماقساتتا وپەراتور تاسىمالداۋشىنىڭ بوس ۆاگونداردى (كونتەينەرلەردى) تاسىمالداۋ بويىنشا قىزمەتتەرىن پايدالانادى. 11. ۆاگوندار وپەراتورلارىنىڭ قىزمەت كورسەتۋىنىڭ باستالۋ جانە اياقتالۋ ءساتى شارتتا انىقتالادى. 12. وپەراتوردىڭ قىزمەتىن تولەۋ ءتارتىبى شارتتا انىقتالادى. 13. جۇك جونەلتۋشى ءوزىنىڭ تاپسىرىسىنا سايكەس ستانتسياعا جەتكىزىلگەن وپەراتوردىڭ بوس ۆاگوندارىنان (كونتەينەرلەر) باس تارتقان جاعدايدا جانە ولاردى ستانتسيادا باسقا جونەلتۋشىمەن تاۋلىك ىشىندە قولدانۋ مۇمكىن بولماعان جاعدايدا ەگەر شارتتا وزگەشە كوزدەلمەسە وپەراتور ودان ءاربىر تۇرعان تاۋلىك ءۇشىن اقى الادى. ستانتسيالىق نەمەسە كىرەبەرىس جولداردا ۆاگونداردىڭ بوس تۇرۋ ۋاقىتى 2 تاۋلىكتەن اسىپ كەتسە, ەگەر شارتتا وزگەشە كوزدەلمەسە, وپەراتور جازباشا حابارلاما جىبەرەدى جانە ۆاگونداردى باسقا ستانتسياعا رەسىمدەيدى. 14. ەگەر شارتتا وزگەشە كوزدەلمەسە, وعان جۇك تاسىمالدارىنا ارنالماعان وپەراتوردىڭ ۆاگوندارىن (كونتەينەرلەرىن) قولدانا المايدى.بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 24 قاراشاداعى نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8118 بولىپ ەنگىزىلدى.