بۇل تۋرالى ۇكىمەتتىڭ ءباسپاسوز قىزمەتى حابارلادى.
قر يندۋستريا جانە ينفراقۇرىلىمدىق دامۋ ءمينيسترى رومان سكليار قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا 2019 جىلعى قاڭتار–شىلدە ايلارىنداعى ونەركاسىپ سالالارىن دامىتۋ تۋرالى باياندادى.
قر يدم مالىمەتتەرى بويىنشا, جىل باسىنان بەرى ونەركاسىپ ءوندىرىسى كولەمى 102,7%-دى قۇرادى, ونىڭ ىشىندە تاۋ-كەن ونەركاسىبى 102,4%, وڭدەۋ ونەركاسىبى 103,2% قۇرادى.
تاۋ-كەن رۋدا سەكتورىندا ءتۇستى مەتالداردى ءوندىرۋ 17,2%-كە ۇلعايدى, بيىل ناۋرىزدان باستاپ تەمىر كەنىن ءوندىرۋ كولەمى 92,8%-دان 101,5%-عا دەيىن ءوستى.
ر. سكلياردىڭ ايتۋىنشا, كومىر مەن ليگنيت (كومىر كونتسەنتراتىن ەسەپكە الماعاندا) ءوندىرۋدىڭ ءوسۋى 97,3% قۇرادى. بۇگىندە كومىر ەكسپورتى بويىنشا وڭ ديناميكا بايقالادى, 2018 جىلمەن سالىستىرعاندا ءوسۋى 101,9% نەمەسە 15,8 ملن.توننا قۇرادى.
«وڭدەۋ ونەركاسىبىندە ءوسۋ 3,2% قۇرادى. ءتۇستى مەتاللۋرگيادا ءوندىرىس كولەمى 8,1%-عا ءوستى», — دەدى ر. سكليار.
بيىل جىل باسىنان بەرى قارا مەتاللۋرگيا سالاسىندا ءوندىرىس كولەمىنىڭ ءوسۋى بايقالادى. جەتى ايدىڭ قورىتىندىسى بويىنشا ءوندىرىس كولەمى 94% قۇرادى
يندۋستريا جانە ينفراقۇرىلىمدىق دامۋ ءمينيسترى اتاپ وتكەندەي, ماشينا جاساۋ سالاسىندا ءوندىرىس كولەمى 17,7%-عا ءوستى, بۇل اۆتوكولىك قۇرالدارى, ترەيلەرلەر جانە جارتىلاي تىركەمەلەر 50,6%-عا, باسقا توپتامالارعا ەنگىزىلمەگەن ماشينالار مەن جابدىقتار 14,5%-عا ارتۋى ەسەبىنەن مۇمكىن بولدى.
فارماتسەۆتيكا سالاسىندا ءوندىرىس كولەمى 18%-عا ءوستى, بۇل ءونىمنىڭ «حيمفارم» زاۋىتىندا 50%-عا, «نوبەل الماتى فارماتسەۆتيكالىق فابريكاسى» اق-ىندا 13,8%-عا ارتۋى ەسەبىنەن مۇمكىن بولدى.
جەڭىل ونەركاسىپتە توقىما بۇيىمدارى ءوندىرىسىنىڭ 18,3%-كە, كيىم ءوندىرىسىنىڭ 5,4%-كە ءوسۋى ەسەبىنەن جالپى ءوندىرىس 14,3%-كە ءوستى.
قازىرگى ۋاقىتتا «قاراپايىم زاتتار ەكونوميكاسى» باعدارلاماسى بويىنشا بىرقاتار نورماتيۆتىك اكتىلەر مەن جۇيەلىك شارالار قابىلدانۋدا.
كولىك كەشەنى بويىنشا 2019 جىلدىڭ قاڭتار-شىلدەدە ناقتى كولەم يندەكسى 105,4%-ءتى قۇرادى. قازاقستان ارقىلى كونتەينەر تاسىمالداۋدىڭ جالپى كولەمى وتكەن جىلمەن سالىستىرعاندا 38,4%-عا ءوستى جانە 351,6 مىڭ جفب قۇرادى.
«تۇرعىن ءۇي قۇرىلىسىندا 7 ايدىڭ قورىتىندىسى بويىنشا 6,5 ملن شارشى مەتر تۇرعىن ءۇي پايدالانۋعا بەرىلدى. رەسپۋبليكا بويىنشا بارلىعى 55 849 باسپانا پايدالانۋعا بەرىلدى (ونىڭ ىشىندە 24 013 جەكە تۇرعىن ءۇي بار). تۇرعىن ءۇي تاپسىرۋ كولەمىنىڭ ارتۋى وتكەن جىلمەن سالىستىرعاندا رەسپۋبليكانىڭ 7 وڭىرىندە جالعاسۋدا. جىلدىق جوسپارعا قول جەتكىزۋ ءۇشىن وسى وڭىرلەردە جۇمىستى جانداندىرۋ قاجەت», - دەدى ر. سكليار.