سەنبى, 26 قاڭتار 2013 7:35
ەلباسى نۇرسۇلتان نازارباەۆ وتكىزگەن كەڭەيتىلگەن كەڭەستە قازاقستاننىڭ 2050 جىلعا دەيىنگى ستراتەگيالىق باعدارلاماسىن ورىنداۋعا تىكەلەي قاتىسى بار ماڭىزدى ماسەلەلەرگە ەرەكشە نازار اۋدارىپ, بۇل باعىتتا ورىن الۋى ىقتيمال كەلەڭسىز جايتتارعا جەكە-جەكە توقتالدى. وسى ورايدا, تاقىرىپقا قاتىستى ءوز ويىمىزدى بىلدىرە كەتكەندى ءجون كورىپ وتىرمىز. ويتكەنى, مۇنىڭ قوعامىمىزداعى يدەولوگيالىق جۇمىستاردىڭ مازمۇن جانە ءتۇر جاعىنان تەرەڭدەپ بايىپ, تۇرلەنە تۇسۋىنە ىقپالى زور بولماق.
سەنبى, 26 قاڭتار 2013 7:35
ەلباسى نۇرسۇلتان نازارباەۆ وتكىزگەن كەڭەيتىلگەن كەڭەستە قازاقستاننىڭ 2050 جىلعا دەيىنگى ستراتەگيالىق باعدارلاماسىن ورىنداۋعا تىكەلەي قاتىسى بار ماڭىزدى ماسەلەلەرگە ەرەكشە نازار اۋدارىپ, بۇل باعىتتا ورىن الۋى ىقتيمال كەلەڭسىز جايتتارعا جەكە-جەكە توقتالدى. وسى ورايدا, تاقىرىپقا قاتىستى ءوز ويىمىزدى بىلدىرە كەتكەندى ءجون كورىپ وتىرمىز. ويتكەنى, مۇنىڭ قوعامىمىزداعى يدەولوگيالىق جۇمىستاردىڭ مازمۇن جانە ءتۇر جاعىنان تەرەڭدەپ بايىپ, تۇرلەنە تۇسۋىنە ىقپالى زور بولماق. «قازاقستان-2050» ستراتەگياسىن ءالى دە بولسا ونىڭ اۆتورىنان ارتىق ناسيحاتتاي الىپ وتىرعانىمىز جوق. جولداۋدىڭ ءمانىن قوعامنىڭ ءاربىر مۇشەسىنىڭ ساناسىنا ءسىڭىرۋ ءۇشىن «نۇر وتان» پارتياسىنىڭ ورتالىق كوميتەتى جانىنان ارنايى مامانداندىرىلعان اقىلى لەكتورلار مەكتەبىن, توپتارىن قۇرعان ءجون دەپ ويلايمىز.
ال ءوزىمىز سياقتى جاي ناسيحاتشىلاردىڭ مىندەتى – جولداۋدىڭ ءاربىر تاراۋىنان, باپتارىنان وزىمىزگە جانە وزگەلەرگە مىندەتتەر تابۋ. ءاربىر مەكەمە باسشىسى ءوز ۇجىمىندا وزدەرىنە تىكەلەي قاتىستى ماسەلەلەر بويىنشا كولەمى, ورىندالۋ مەرزىمى ناقتى ايقىندالعان مىندەتتەمە قابىلداپ, ونىڭ ورىندالۋىن اتقارۋشى بيلىك ورگاندارى قاداعالاپ, جىل سايىن ەسەبىن تىڭداپ وتىرعان دۇرىس.پرەزيدەنت باعدارلاماسىندا قوعامنىڭ بارلىق سالالارىنداعى احۋالدارعا شىنايى باعا بەرىلىپ, العا ىلگەرىلەۋدىڭ جولدارى تۋرالى تىڭ تۇجىرىمدار جاسالدى, قوعام مۇشەلەرىنە ءادىل تالاپ قويىلدى. اتالمىش قۇجاتتىڭ جۇزەگە اسۋى ءۇشىن بىزدەر اينالامىزداعى كەلەڭسىزدىكتەرگە, كەمشىلىكتەرگە توزبەيتىندەي اۋان قالىپتاستىرۋعا ءتيىستىمىز. ارقايسىمىزدىڭ ءوز جۇمىسىمىزعا دەگەن ادالدىعىمىزدى, ادامدار اراسىنداعى ادىلدىگىمىزدى, جاۋاپكەرشىلىگىمىزدى ارتتىرۋىمىز قاجەت. اسىرەسە, قۇقىق قورعاۋ ورگاندارىنداعى ۇجىمداعى ادالدىق, ادىلدىك حالىق ارقىلى باعالانۋى ءتيىس.جەرگىلىكتى جەرلەردەگى ەڭ ءبىر اۋىر ماسەلە – جاريالىلىق جانە جارياسىزدىق. اسىرەسە, پروكۋراتۋرا, سوت قىزمەتتەرى. تەمىر شارباقپەن قورشالعان كابينەتتەردەن جاريالىلىق حالىققا شىعا المايدى. بولىپ جاتقان قىلمىستار نە حالىق اراسىندا, نە اقپارات قۇرالدارى ارقىلى جۇرتقا جەتپەيدى. اكتيۆ جينالىستارىندا قۇقىق قورعاۋ ورگاندارى باسشىلارىنىڭ ءسوزى تۇگىلى, وزدەرى دە وتە سيرەك كورىنەدى.جەرگىلىكتى گازەتتەردىڭ بىرىندە جۇمىستارى توقتاعان جۇزدەگەن كاسىپكەرلەردىڭ ءتىزىمى بەرىلىپ ءجۇر. نە ءۇشىن, كىم توقتاتقانى بەلگىسىز. ال, تابىسىن جاسىرىپ, سالىعىن تولەمەي قاشىپ ءجۇرگەندەردىڭ ءتىزىمىن جاريالاۋ ەشكىمنىڭ ويىنا كىرىپ شىقپايدى. جەمقورلىقپەن كۇرەس تاقىرىبىنا دا گازەت بەتتەرىنەن جاقسى ورىن بەرىلەدى. ماتەريال بەرگەن زاڭ ورگاندارىنىڭ قىزمەتكەرلەرى, وكىنىشكە قاراي, قوعامدا ورىن العان تەرىس قۇبىلىستار تۋرالى بىردە-ءبىر مىسال كەلتىرمەيدى.پرەزيدەنت ايتادى: بىزگە قوعامدىق باقىلاۋدى, جەرگىلىكتى جەرلەردەگى احۋالعا ازاماتتاردىڭ ىقپالىن كۇشەيتۋ كەرەك, دەپ. پروكۋرورلىق باقىلاۋ وزدەرىنىڭ قالاۋىنشا بار سياقتى. بىراق, ءناتيجەسى حالىققا جارياسىز. «نۇر وتان» پارتياسىنىڭ باقىلاۋى بار دەپ ەستيمىز. كىمدەر كىمدەردى باقىلاپ ءجۇر؟ تالداۋ بار ما؟ جوق.پرەزيدەنتتىڭ تومەندەگىدەي قۇندى ەسكەرتپەلەرى بار: «قوعام جانە ازاماتتار مەملەكەتتىك شەشىمدەر قابىلداۋ ۇدەرىستەرى مەن ولاردىڭ جۇزەگە اسىرىلۋىنا ءتىكەلەي قاتىستىرىلۋى قاجەت. جەرگىلىكتى باسقارۋ ورگاندارى ارقىلى حالىققا جەرگىلىكتى ماڭىزى بار ماسەلەلەردى ءوز بەتىمەن جانە جاۋاپكەرشىلىكپەن شەشۋىنە ناقتى مۇمكىندىك بەرۋ كەرەك. ازاماتتاردىڭ جەرگىلىكتى جەرلەردەگى وزەكتى ماسەلەلەردى شەشۋگە, جەرگىلىكتى بيلىك ورگاندارىنىڭ جۇمىسىن باقىلاۋعا بەلسەنە ارالاساتىن ۋاقىتى تۋدى». مۇنى جەرگىلىكتى اتقارۋشى ورگاندار مەن دەپۋتاتتار نازارىندا مىقتاپ ۇستاۋعا مىندەتتى.ءبىز, دەيدى ەلباسى, مەملەكەتتىلىگىمىزدىڭ رۋحاني ماسەلەلەر ەكونوميكالىق, ماتەريالدىق ماسەلەلەردەن ەشبىر كەم باعالانبايتىن دامۋ كەزەڭىنە كەلىپ وتىرمىز. پرەزيدەنتتىڭ وسى تۇجىرىمىن جەرگىلىكتى جاعدايلارمەن بايلانىستىرا قاراپ كورسەك, بۇدان جارتى عاسىر بۇرىن اۋىل-سەلولاردا قىزمەت ەتكەن مادەنيەت سارايلارى تۇركىستانعا ءالى كۇنگە بۇيىرماي كەلەدى…قۇرىقتالماي كەلە جاتقان جەمقورلىقتى تەجەۋ ءۇشىن مىنا فاكتورلارعا تەرەڭ ءمان بەرگەن ءلازىم: زاڭ اياسىندا حالىق اراسىنداعى جاريالىلىق. حالىقتىڭ ارىز-شاعىمدارىنا حات تۇسكەن لاۋازىمدى ورگاندار تومەنگە «جاۋاپ بەر» دەپ سىرعىتا سالماي, ماسەلەنىڭ انىقتالۋىنا, دۇرىس شەشىم قابىلدانۋىنا ءوزدەرى باسشىلىق ءارى باقىلاۋ جاساۋ. حالىقتىڭ مورال جاعىنان تازا ءارى قاراپايىم وكىلدەرىن جەرگىلىكتى اتقارۋ ورگاندارىنىڭ جينالىستارىنا, باسقا دا قوعامدىق جۇمىستارعا كەڭىنەن تارتۋ. قولى, ارى تازا, وزات ويلى ازاماتتاردى بارلىق دەڭگەيدە ماراپاتتاپ, كوپشىلىككە ۇلگى-ونەگە ەتىپ, قۇرمەتتەۋ.نۇرماحان نازاروۆ,قازاقستان رەسپۋبليكاسى-نىڭ مادەنيەت قايراتكەرى,تۇركىستان قالاسىنىڭ قۇرمەتتى ازاماتى.وڭتۇستىك قازاقستان وبلىسى.