«Qazaqstan» رەسپۋبليكالىق تەلەراديوكورپوراتسياسى» اق باسقارما ءتورايىمى ءلاززات تانىسبايدىڭ بۇيرىعىمەن تانىمال تەلەجۋرناليست مەيىرجان الىبەك ۇلى «Jambyl» وبلىستىق تەلەراديوارناسىنىڭ ديرەكتورى لاۋازىمىنا تاعايىندالدى. بۇل تۋرالى قازاقپارات ءتىلشىسى حابارلادى.
مەيىرجان الىبەك ۇلى 1984 جىلى تۋعان. ءال-فارابي اتىنداعى قازۇۋ, جۋرناليستيكا فاكۋلتەتىنىڭ تۇلەگى. العاشقى ەڭبەك جولىن «اtyray» وبلىستىق تەلەارناسىنان باستادى. ءار جىلدارى «Qazaqstan» ۇلتتىق تەلەارناسىنىڭ اقپاراتتىق-ساراپتامالىق باعدارلامالار ديرەكتسياسىندا ءتىلشى-ساراپشى, رەداكتور-جۇرگىزۋشى, قازاقستان پرەزيدەنتىنىڭ جۋرناليستىك پۋل ءتىلشىسى, شەف-رەداكتور, ديرەكتسيا ديرەكتورىنىڭ ورىنباسارى قىزمەتتەرىن اتقاردى.
قالىڭ كورەرمەنگە «جاڭالىقتار», ساياسي-ساراپتامالىق «اپتا.kz» باعدارلاماسىنىڭ تىزگىنشىسى رەتىندە تانىمال. قر پرەزيدەنتىنىڭ باق سالاسىنداعى سىيلىعىنىڭ يەگەرى, قر اقپارات سالاسىنىڭ ۇزدىگى. «حالىق سۇيىكتىسى» ۇلتتىق جۇلدەسىنىڭ لاۋرەاتى, «نۇر سۇڭقار» بايقاۋىنىڭ جەڭىمپازى.