ماۋسىم ايىنداعى رەيتينگ بويىنشا العاشقى ۇزدىك ۇشتىك وزگەرىسسىز قالدى. تىزىمدە العاشقى ورىنعا بەلگيا, ودان كەيىن فرانتسيا جانە برازيليا ۇلتتىق قۇرامالارى جايعاستى. قازىرگى تاڭدا بەلگيانىڭ ەنشىسىندە 1746, فرانتسيادا – 1718, برازيليادا – 1681 ۇپاي بار.
ءساۋىر ايىندا 116-شى ورىندا تۇراقتاعان قازاقستان ۇلتتىق قۇراماسى ەكى ساتىعا جوعارىلاپ, 114-ءشى ساتىعا جايعاستى. ۇلتتىق قۇراما قورجىنىندا 1174 ۇپاي بار.
ايتا كەتەيىك, ميحال بيلەك شاكىرتتەرى ماۋسىم ايىندا ەۋرو-2020 چەمپيوناتىنىڭ ىرىكتەۋ كەزەڭى اياسىندا بەلگيا جانە سان-مارينو قۇرامالارىمەن كەزدەسۋ وتكىزدى. قازاقستاندىق فۋتبولشىلار سىرت الاڭدا بەلگيا قۇراماسىنان 3:0 ەسەبىمەن جەڭىلسە, ەلوردادا وتكەن سان-مارينوعا قارسى ماتچتا 4:0 ەسەبىمەن باسىم ءتۇستى.
اسەم تاڭاتار
ەۇۋ-دىڭ جۋرناليستيكا فاكۋلتەتىنىڭ
ستۋدەنتى